Tramp AQSh bosh prokurori lavozimiga kongressmen Gets nomzodini ilgari surdi
Trampning soʻzlariga koʻra, Mett Gets “chegaralarni himoya qiladi” va “jinoiy tashkilotlarni yoʻq qiladi”. Tramp sobiq demokrat Tulsi Gabbardni AQSh Milliy razvedkasi direktori lavozimiga tayinlamoqchi.
AQShning yangi saylangan prezidenti Donald Tramp 42 yoshli konservativ kongressmen Mett etsni AQSh Adliya vazirligi va mamlakat bosh prokurori lavozimiga nomzod qilib ko‘rsatdi. Bu haqda Trampning o‘zi 13-noyabr, payshanba kuni Truth ijtimoiy tarmog‘ida ma’lum qildi. “Mett bizning chegaralarimizni himoya qiladi, jinoiy guruhlarni yo‘q qiladi va amerikaliklarning Adliya vazirligiga singan ishonchini tiklaydi”, deb yozadi u.
Tramp jamoasi vitse-prezidenti Jeyms Devid Vens oktyabr oyida ABC telekanaliga bergan intervyusida aytganidek, bosh prokuror lavozimi amaldagi prezidentlikdan keyingi eng muhim lavozim bo‘ladi.
Saylov kampaniyasi davomida Tramp muhojirlarni ommaviy deportatsiya qilish, 2021-yil 6-yanvarda Kapitoliyga bostirib kirishda aybdorlar avf etilishi va siyosiy dushmanlar ustidan tergov o‘tkazilishini e’lon qildi. Bosh prokuror bu va boshqa loyihalar bilan shug‘ullanadi. Tramp, shuningdek, Adliya vazirligi uning birinchi prezidentlik muddatiga xalaqit berganidan shikoyat qildi.
.jpg "X factor uzbekistan")
.png "YouTube UZREPORT TV")
