Tramp Putin va Zelenskiy o‘rtasidagi uchrashuvga tayyorgarlik boshlanganini ma’lum qildi
Ukraina prezidenti Vladimir Zelenskiy va bir qator Yevropa davlatlari rahbarlari Oq uyda AQSh prezidenti Donald Tramp bilan Ukrainadagi urushni tugatish bo‘yicha muzokara o‘tkazdi.
AQSh prezidenti Donald Tramp Yevropadan kelgan “hurmatli mehmonlar bilan juda samarali uchrashuv” bo‘lganini ma’lum qildi. "Uchrashuvda biz Ukraina uchun Yevropa davlatlari tomonidan AQSh bilan kelishilgan holda taqdim etiladigan xavfsizlik kafolatlarini muhokama qildik. Hamma Rossiya va Ukraina oʻrtasida tinchlikka erishish imkoniyatidan juda hayajonda", — deb yozdi u oʻzining Truth Social ijtimoiy tarmogʻida.
Trampning soʻzlariga koʻra, Oq uyda boʻlib oʻtgan muzokaralar va Rossiya prezidentiga qoʻngʻiroq qilganidan soʻng, “Prezident Putin va Prezident Zelenskiy oʻrtasidagi uchrashuvga tayyorgarlik koʻrishni keyinroq belgilangan joyda” boshlagan. Bu uchrashuvdan so‘ng uch tomonlama muzokaralar bo‘lib o‘tadi, unda “ham prezidentlar, ham men” ishtirok etadi. Jarayon AQSh vitse-prezidenti J. D. Vens, Davlat kotibi Marko Rubio va maxsus elchi Stiven Vitkoff tomonidan muvofiqlashtiriladi, deb yozdi Tramp.
.png "YouTube UZREPORT TV")
