Yevropa parlamenti havo sifatini yaxshilash uchun yangi standartlarni qabul qildi

Yevropa parlamenti 2030-yilgacha bajarilishi kerak bo‘lgan havo ifloslanishiga nisbatan qonuniy ravishda majburiy bo‘lgan qat’iy chegaralarni qabul qildi, deya xabar bermoqda Reuters.

Yevropa Parlamenti va Yevropa Ittifoqiga aʼzo davlatlar 2024-yil fevralida havo sifati standartlarini kuchaytirish boʻyicha kelishuvga erishdilar. Yangi qoidalar Jahon sog'liqni saqlash tashkiloti tavsiyalariga yaqinroq bo'lgan atmosferani ifloslantiruvchi moddalar uchun chegaralarni belgilaydi. JSST o'tgan yili mamlakatlarni toza energiyadan foydalanishga va iflos havo tufayli o'limning oldini olishga umid qilib, ularni kuchaytirdi.

2030-yilga kelib mayda zarrachalar va azot dioksidining yillik chegaralari mos ravishda 25 mkg/m3 dan 10 mkg/m3 gacha va 40 mkg/m3 dan 20 mkg/m3 gacha kamayadi.

Havoning ifloslanishi Yevropada har yili 300 ming erta o'limga sabab bo'ladi. Yevropa Ittifoqining atrof-muhit bo'yicha komissari Virjiniyus Sinkevichiusning aytishicha, cheklovlarning kuchayishi kelgusi 10 yil ichida bu raqamni 70 foizga kamaytirishi mumkin. Agar yangi qoidalar buzilsa, havo ifloslanishidan zarar ko'rganlar sudga murojaat qilishlari mumkin va sog'lig'iga yetkazilgan zarar uchun tovon puli olinishi mumkin.

Yevropa Ittifoqi parlamenti qonunni 381 kishi yoqlab, 225 nafari qarshi, 17 nafari betaraf ovoz bilan maʼqulladi. Qonun kuchga kirishi uchun hali ham Yevropa Ittifoqi davlatlarining roziligi talab qilinadi. Odatda, bu rasmiyatchilik bo‘lib, unda qonunlar o‘zgarishsiz tasdiqlanadi, deyiladi agentlik bayonotida.