Ўзбекистонга Қирғизистондан картошка етказиб берилади
Қирғизистоннинг Ўзбекистондаги савдо ваколатхонаси Алмаз Темирбеков бошчилигида йирик ўзбек импортёрлари билан Норин ва Иссиқкўлдан сифатли картошка етказиб бериш бўйича шартнома имзолади. Бу ҳақда Қирғизистоннинг Ўзбекистондаги савдо ваколатхонаси матбуот хизмати хабар берди.
Томонлар нафақат юқори сифатли маҳсулотлар, балки рақобатбардош нархларни ҳам таъминлайдиган ўзаро манфаатли шартлар ҳақида келишиб олдилар. Биринчи етказиб беришнинг умумий ҳажми тахминан 1 минг тонна картошкани ташкил этади. Биринчи партия лаборатория текширувидан сўнг юборилади.
“Ушбу ҳамкорлик нафақат мамлакатлар ўртасидаги муваффақиятли муносабатларни ёритибгина қолмай, балки савдо-иқтисодий соҳаларда узоқ муддатли шериклик учун замин яратади. Қирғизистон минтақавий алоқаларни мустаҳкамлашга қўшган ҳиссаси билан фахрланади ва халқаро савдода янги истиқболларни кутади”, — дея қайд этди Қирғизистон Савдо-саноат палатаси.
.jpg "X factor uzbekistan")
.png "YouTube UZREPORT TV")
