Ispaniya guruhda ikkinchi o‘rinni egalladi
Futbol bo‘yicha JCH—2022 3-turida E guruhining ikki o‘yini o‘z nihoyasiga yetdi.
Tur doirasidagi birinchi bahsda Ispaniya Yaponiyaga qarshi maydonga tushdi. Uchrashuvning 11-daqiqasida Alvaro Morata hisobni ochdi. 48-daqiqada Doan hisobni tenglashtirdi. Oradan 3 daqiqada o‘tib, Tanaka yaponlarning ikkinchi goliga mualliflik qildi. Yakuniy hisob 2:1, Yaponiya foydasiga.
Germaniya esa Kosta-Rikaga qarshi bahs olib bordi va 4:2 hisobida zafar quchdi. Nemislar safida Serj Gnabri va Niklas Fyullkrug bittadan gol urgan bo‘lsa, Kay Xaverts dublni rasmiylashtirdi. Kosta-Rika safida Yelsin Texeda va Xuan Pablo Vargas gol muralliflariga aylandi.
Shu tariqa Yaponiya 6 ochko bilan guruh peshqadami sifatida pley-offga yo‘l oldi. Ispaniya esa 4 ochko bilan 2-o‘rinni, Germaniya ham shuncha ochko bilan 3-pog‘onani egalladi. Kosta-Rika 3 ochko bilan 4-o‘rindan joy oldi.
Alpha version: 0.9.1.19 build 102218 | Инструменты