“Bir million o‘zbek dasturchilari” loyihasi g‘oliblarini taqdirlash marosimi bo'lib o'tdi

2022-yil 10-iyun sanasida Toshkent shahrida “Bir million o‘zbek dasturchilari” loyihasi natijalariga bag‘ishlangan taqdirlash marosimi bo‘lib o‘tdi.

Unda Bosh vazir Abdulla Aripov, BAAning hukumat ishlari bo‘yicha vaziri Muhammad Al Gergavi, Bosh vaziri o‘rinbosari Sardor Umrzoqov, AKT vaziri Sherzod Shermatov, IT Park direktori Farxod Ibragimov, shuningdek, loyihaga qatnashgan dasturchilar ishtirok etdi.

Tadbir doirasida loyihani amalga oshirishda erishilgan yutuq va natijalar, axborot texnologiyalari sohasida professional rivojlanish uchun ilk qadam sifatida xizmat qilgan “Bir million o‘zbek dasturchilari” bitiruvchilarining hikoyalari haqida videoroliklar namoyish etildi.

Shundan so‘ng, belgilangan nominatsiyalar bo‘yicha g‘oliblarning taqdirlash marosimi o‘tkazildi.

• Gʻoliblar:
  - “Eng faol oila” nominatsiyasi: Xolovlar oilasi.  
  - “Eng faol hudud” nominatsiyasi: Xorazm viloyati.
  - “Eng faol maktab” nominatsiyasi:  Qashqadaryo viloyati, Koson tumanidagi 9-ixtisoslashtirilgan umumta’lim maktabi.
  - “Eng faol o‘qituvchi” nominatsiyasi:  Bobomurod Toshev (Samarqand)
  -  “Eng faol talaba” nominasiyasi:  Farrux Saliyev (TATU).  
  - “Eng faol universitet” nominatsiyasi:   Muhammad al-Xorazmiy nomidagi TATU Nukus filiali.
  
  Ma’lumot o'rnida, “Bir million o‘zbek dasturchilari” platformasi bu 2017-yilda BAAda ishga tushirilgan "One Million Arab Coders" loyihasining analogi hisoblanadi.  “Bir million o‘zbek dasturchilari” onlayn platformasi  O‘zbekiston va Birlashgan Arab Amirliklari qo‘shma loyihasi hisoblanadi.