Komiljon Ibrohimov Navoiy viloyati SSBBning o‘rinbosari v.b. etib tayinlandi
Sog‘liqni saqlash vazirligining tegishli buyrug‘iga ko‘ra, Komiljon Ibrohimov Navoiy viloyati sog‘liqni saqlash boshqarmasi boshlig‘ining raqamlashtirish bo‘yicha o‘rinbosari vazifasini bajaruvchi etib tayinlandi.
Komiljon Ibrohimov 2000-yil Toshkent elektrotexnika aloqa institutini tamomlagan.
U mehnat faoliyatini Navoiy shaharlararo telekommunikatsiya tarmoqlarining 4-avtomat telefon stansiyasi elektromexanigi sifatida boshlagan. Keyinchalik “O‘zbektelekom” aksiyadorlik kompaniyasi Navoiy filiali tijorat direktori, “Olive Telecom” qo‘shma korxonasi bosh direktori kabi masʼul lavozimlarda ishlagan.
Tayinlovga qadar K. Ibrohimov “Coscom” MCHJ Navoiy shahar texnik bo‘limi mutaxassisi lavozimida mehnat qilib kelayotgan edi.
Yangi rahbarga sohani raqamlashtirish jarayonini takomillashtirish, axborot tizimlarining joylarda to‘liq ishlashini taʼminlash va xodimlarning bilim va ko‘nikmalarini oshirish kabi vazifalar yuklatildi.
.jpg "X factor uzbekistan")
.png "YouTube UZREPORT TV")
