“O‘zavtosanoat” raisi Shavkat Umurzoqov Toshkent shahriga hokim etib tayinlandi
Shavkat Umurzoqov Toshkent shahar hokimi etib tayinlandi. U bunga qadar 2018-yil iyunidan beri “O‘zavtosanoat” kompaniyasi raisi lavozimida faoliyat yuritib kelayotgan edi.
Shavkat Umurzoqov 1979-yilda tug‘ilgan. 2011-yilning iyun oyidan 2013-yilning sentabrigacha Toshkent viloyati prokuraturasida uyushgan jinoyatchilik va korrupsiyaga qarshi kurashish boshqarmasi boshlig‘i lavozimida ishlab kelgan. 2013-2018-yillarda O‘zbekiston Bosh prokuraturasi huzuridagi Uyushgan jinoyatchilik va korrupsiyaga qarshi kurashish departamentini boshqargan.
Eslatib o‘tamiz, joriy yil 16-yanvar kuni Toshkent shahar hokimi Jahongir Ortiqxo‘jayev ishdan olingan edi.
Shu kundan boshlab Toshkent shahar hokimining birinchi o‘rinbosari Baxtiyor Rahmonov Toshkent shahar hokimi vazifasini bajaruvchi etib tayinlangan edi.
.png "YouTube UZREPORT TV")
