Туркий давлатлар ташкилоти Бош котиби “Умумтуркий луғат” яратишни таклиф қилди
Шу кунларда Қирғизистон пойтахти Бишкек шаҳрида Маҳмуд Қошғарийнинг “Девони луғотит турк” асарининг 950 йиллигига бағишланган Халқаро конференция бўлиб ўтмоқда.
Президент Администрацияси ҳузуридаги Ахборот ва оммавий коммуникациялар агентлиги маълумотига кўра, мазкур тадбирда ЮНEСКО, Туркий Академия, Туркий давлатлар ташкилоти ва бошқа қатор халқаро ташкилотларнинг раҳбарлари ва вакиллари иштирок этмоқда.
Маълумки, “Девони луғотит турк” асари туркий халқларнинг тили, тарихи, географияси ва маданиятига оид илк ёзма энциклопедия ҳисобланади.
Конференциянинг очилиш маросимида сўзга чиққан Туркий давлатлар ташкилоти Бош котиби Кубаничбек Омуралиев Маҳмуд Қошғарийнинг ушбу китобининг аҳамияти ҳақида тўхталар экан, асарнинг илмий доиралар ва жамоатчилик томонидан чуқур ўрганиш лозимлигини таъкидлади.
Шу билан бирга Туркий давлатлар ташкилоти Бош котиби К.Омуралиев “Девони луғотит турк” асарининг замонавий туркий тилларнинг ривожланишидаги ўрнини қайд этиб, унинг асосида “Умумтуркий луғат”ни яратишни таклиф қилди.
.jpg "X factor uzbekistan")
.png "YouTube UZREPORT TV")
