Deputatlikka siyosiy partiyalardan ko‘rsatilgan nomzodlar orasida ayollar soni 391 nafarni tashkil etdi

Qonunchilik palatasi deputatligiga siyosiy partiyalardan ko‘rsatilgan nomzodlar orasida ayollar soni 391 nafarni yoki 44,7 foizni tashkil etdi. Bu haqda AOKAda o‘tkazilgan brifingda Oila va xotin-qizlar qo‘mitasi axborot xizmati rahbari Saodat Boymirzayeva maʼlum qildi.

Islohotlar natijasida O‘zbekiston tarixida ilk marotaba milliy parlamentda xotin-qizlar soni BMT tomonidan belgilangan tavsiyalarga mos darajaga yetib, mamlakatimiz parlamenti xotin-qizlar soni bo‘yicha dunyodagi 190 ta parlament orasida 52-o‘ringa ko‘tarilgan edi. 

Oila va xotin-qizlar qo‘mitasi tashabbusi bilan "Siyosiy jarayonlarga befarq emasman" shiori ostidagi targ‘ibot kampaniyasi olib borilmoqda. 

Oila va xotin-qizlar qo‘mitasi, Oliy taʼlim, fan va innovatsiyalar vazirligi, Innovatsion rivojlanish agentligi,  O‘zbekiston  Savdo sanoat palatasi, O‘zbekiston  Ixtirochi ayollar markazi va Turin politexnika universiteti tomonidan joriy yilning 7-11 oktyabr kunlari Ixtirochi xotin-qizlarning innovatsion tadbirkorlik haftaligi o‘tkaziladi. 

Ixtirochi xotin-qizlarning innovatsion tadbirkorlik haftaligida o‘z tadbirkorlik faoliyatini boshlamoqchi bo‘layotgan 200 dan ortiq xotin-qizlar o‘z biznes g‘oyalari bilan ishtirok etadilar. 

Turin politexnika universitetida “Ixtirochi ayollar-2024” ko‘rgazmasi ko‘rgazmasi tashkil qilinadi. Ko‘rgazmada O‘zbekiston va Koreya ixtirochi hamda tadbirkor ayollari innovatsion loyiha va mahsulotlari bilan ishtirok etishadi.