Namanganda mast holda mashina boshqarib, uch kishining o‘limiga sabab bo‘lgan yigit 6 yilga qamaldi
Namangan viloyati Uychi tumanida mast holda mashina boshqarib, uch kishining o‘limiga sabab bo‘lgan yigitga sud hukmi o‘qildi.
Ma’lum qilinishicha, 19 yoshli yigit 2024-yil 29-oktyabr kuni do‘stlari bilan tungi klubda mast qiluvchi ichimliklar iste’mol qilgan. So‘ng o‘ziga tegishli bo‘lmagan mashinani Uchqo‘rg‘on-Namangan yo‘lida boshqarib, Cobalt mashinasi bilan to‘qnashgan.
Oqibatda Cobalt'da bo‘lgan uch kishi vafot etgan. Dastlabki surishtiruvda yigit haydovchilik guvohnomasiga ega bo‘lmagani va mashinani tezlik soatiga 60 km bo‘lgan joyda 100 km tezlikda boshqargani aniqlangan.
Jinoyat ishlari bo‘yicha Uychi tuman sudida o‘tkazilgan sud majlisida yigitga nisbatan to‘plangan hujjatlar ko‘rib chiqilgan.
Sud uni Jinoyat kodeksining 266-moddasi 3-qismi “a” bandi (transport vositalari harakati yoki ulardan foydalanish xavfsizligi qoidalarini buzib odamlar o‘limiga sabab bo‘lish) bilan aybdor deb topgan. Unga 6 yil qamoq jazosi belgilangan.
Eslatib o'tamiz, bundan oldin piyodalar yo‘lakchasidan o‘tayotgan qizni urib yuborib, umriga zomin bo‘lgan haydovchi 6 yilga qamalgani haqida xabar bergan edik.
.jpg "X factor uzbekistan")
.png "YouTube UZREPORT TV")
