O‘zbekiston banklarida «Gazprombank» UnionPay kartalariga xizmat ko‘rsatish to‘xtatildi
Turkiya, BAA, Vengriya, Tailand, Hindiston, Qozog‘iston, Qatar, Viyetnam, Janubiy Koreya, Tunis, Misr, Argentina, Janubiy Afrika, O‘zbekiston, Gretsiya, Xitoy, Mo‘g‘uliston va Marokash banklarida UnionPay to‘lov tizimining bank kartalariga xizmat ko‘rsatish to‘xtatildi. Rossiyaning «Gazprombank» tomonidan chiqarilgan ushbu kartalar bu mamlakatlarda ishlamayapti, deb xabar berdi TASS.
UnionPay kartalari bilan bankomatdan pul yechmoqchi bo‘lganda, texnik xatolik yoki kartaga ushbu bank tomonidan xizmat ko‘rsatilmasligi haqida ogohlantirish olinadi. Xizmat ko‘rsatishni rad etish «Gazprombank»ning korporativ kartalariga ham, UnionPay tizimidagi individual kartalarga ham tegishli.
Nashrning eslatishicha, 21 noyabr kuni AQSh Moliya vazirligi Rossiyaga qarshi sanksiyalarning yangi paketini e’lon qildi, unga o‘nlab jismoniy va yuridik shaxslar, jumladan, avvalroq sanksiyalar qo‘yilmagan «Gazprombank» ham bor edi. Shundan so‘ng, bank mijozlarini UnionPay kartalari faoliyatidagi qiyinchiliklar haqida xabardor qildi va yaqin kelajakda naqd pul yechib olishni maslahat bergan edi.
22 noyabr kuni «Gazprombank» veb-saytida UnionPay kartasini rasmiylashtirish imkoniyati yo‘qoldi. Bankning ta’kidlashicha, UnionPay kartalari Rossiya bo‘ylab ishlashda davom etadi.
.jpg "X factor uzbekistan")
.png "YouTube UZREPORT TV")
