O‘zbekiston Xalqaro mehnat tashkilotining yana bir Konvensiyasini ratifikatsiya qildi
Prezident tomonidan imzolangan Qonun (O‘RQ-969-son, 02.10.2024 y) bilan Xalqaro mehnat tashkilotining Mehnat xavfsizligi va gigiyenasi hamda ishlab chiqarish muhiti to‘g‘risidagi 155-sonli Konvensiyasi (Jeneva, 1981 yil 22 iyun) ratifikatsiya qilindi.
Konvensiyaning ratifikatsiya qilinishi kelgusida sohadagi milliy qonunchilikni hamda Xalqaro mehnat tashkilotining hujjatlarida belgilangan mehnat xavfsizligi va gigiyenasiga oid meʼyorlarni takomillashtirishga, shuningdek, ishlab chiqarish jarayonidagi baxtsiz hodisalar, kasbiy kasalliklar, ish vaqtida yuzaga kelishi mumkin bo‘lgan salbiy oqibatlarning oldini olishga qaratilgan xalqaro standartlarni samarali joriy etishga xizmat qiladi.
Bugungi kunga qadar konvensiya 75 ta davlat, shu jumladan, MDHga aʼzo davlatlar orasida Rossiya, Belarus, Ukraina, Tojikiston Qozog‘iston va Ozarbayjon tomonidan ratifikatsiya qilingan.
.jpg "X factor uzbekistan")
.png "YouTube UZREPORT TV")
