Mo'g'ulistondan O'zbekistonga halol go'sht mahsulotlari importini oshirishga kelishib olindi

Joriy yilning 10 oyi holatiga ko‘ra Mo‘g‘uliston O‘zbekistonga 500 tonna go‘sht va sut mahsulotlari eksport qilgan. Kelgusida eksport hajmi ortadi, dedi Mo‘g‘uliston qishloq xo‘jaligi vaziri X.Bolorchuluun 20-dekabr kuni O‘zbekiston qishloq xo‘jaligi vaziri Aziz Voitov bilan onlayn muloqot chog‘ida.

Dekabr oyida Oʻzbekiston tomoni Moʻgʻulistonning 9 ta korxonasiga goʻsht va goʻsht mahsulotlarini olib kirishga ruxsat bergan boʻlsa, natijada Oʻzbekistonga goʻsht eksport qiluvchi korxonalar soni 26 taga yetdi.

Ma'lumot o'rnida, 2019-yilda ikki davlat o‘rtasida veterinariya sohasida hamkorlik to‘g‘risida bitim tuzilib, tegishli veterinariya sertifikatlari o‘zaro kelishib olingan. Bu O‘zbekistonga go‘sht va go‘sht mahsulotlarini eksport qilish imkoniyatini ochib bergandi.

Onlayn uchrashuvda chorvachilik sohasida hamda Mo‘g‘uliston hukumati tomonidan amalga oshirilayotgan “Veterinariya-sanitariya rejimiga ega sog‘lom hudud” loyihasi doirasida hamkorlikni rivojlantirish yuzasidan fikr almashildi. So‘nggi yillarda O'zbekiston korxonalari tomonidan o‘z ishlab chiqarishiga “halol” qoramol so‘yishning xalqaro standartlari joriy etilayotgani ushbu texnologiya asosida ishlab chiqarilgan go‘shtni O‘zbekiston, Qozog‘iston, Eron, Ozarbayjon kabi davlatlarga yetkazib berish imkonini bermoqda.

O‘zbekiston tomoni Mo‘g‘ulistonda qo‘shma chorvachilik fermasini tashkil etish orqali go‘sht eksportini oshirishdan manfaatdorligini bildirdi. 

Shu munosabat bilan tomonlar g‘arbiy uchta viloyatning “Veterinariya-sanitariya rejimiga ega sog‘lom zonasi”da samarali hamkorlikni ko‘rib chiqdi. Ikki davlat oʻrtasida oʻzaro manfaatli hamkorlikni yoʻlga qoʻyish maqsadida Oʻzbekiston Moʻgʻulistonga sifatli meva, rezavor meva va sabzavotlar yetkazib berishi mumkin, bozorni dastlabki oʻrganish natijasida ular narx boʻyicha raqobatbardosh boʻlishi mumkin, degan xulosaga keldi.

Joriy yilning sentabr oyida Samarqand shahrida bo‘lib o‘tgan Shanxay hamkorlik tashkilotiga a’zo davlatlar davlat rahbarlarining Sammiti doirasida ikki davlat prezidentlari uchrashuv o‘tkazib, Mo‘g‘uliston va O‘zbekiston hukumatlararo komissiyasini tuzishga kelishib olgan edi. Shunga koʻra, hukumatlararo komissiyaning birinchi yigʻilishi 2023-yilning birinchi choragida ikki mamlakat qishloq xoʻjaligi vazirlari raisligida Oʻzbekistonda oʻtkazilishi rejalashtirilgan.