Qashqadaryoda sevgan qizini pichoqlagan yigit 11 yilga qamaldi
Avvalroq, Qashqadaryodagi universitet hududida yigit sevgan qizini pichoqlagani va holat yuzasidan jinoyat ishi qo‘zg‘atilgani haqida xabar qilgan edik.
Maʼlum qilinishicha, holat joriy yilning 22 iyun kuni soat 08:30 atrofida fuqaro M.E. Qarshi davlat universiteti talabasi fuqaro S.T. bilan universitet hududida o‘zaro janjallashib, S.T.ning tanasini turli sohalariga o‘zi bilan olib kelgan pichoqni 8 marotaba sanchib, og‘ir tan jarohati yetkazgan.
Shundan so‘ng, fuqaro M.E. o‘zining qorin bo‘shlig‘iga pichoq sanchib, o‘ziga-o‘zi tan jarohati yetkazgan.
Holat yuzasidan sud ishi JIB Qarshi shahar sudida ko‘rib chiqildi. Bu haqda “Zamon” dasturi xabar qildi.
Sud hukmiga ko‘ra, JKning 59-moddasiga asosan, tayinlangan jazolarni qisman qo‘shish yo‘li bilan sudlanuvchi yigitga nisbatan 11 yil muddatga ozodlikdan mahrum qilish jazosi tayinlandi.
.jpg "X factor uzbekistan")
.png "YouTube UZREPORT TV")
