Toshkentning ayrim hududlarida gaz berish vaqtincha to‘xtatildi
Toshkent shahridagi ayrim ko‘chalarda gaz yetkazib berish vaqtincha to‘xtatildi. Bu haqda “Hududgazta’minot” aksiyadorlik jamiyati xabar berdi.
Qayd etilishicha, Yashnobod tumanining Sodiq Azimov ko‘chasidagi gaz quvuriga ekskavator tomonidan shikast yetkazilgan. Hodisa oqibatida quyidagi hududlarga gaz yetkazib berish vaqtinchalik cheklangan.
Mirobod tumani: Nukus ko‘chasidagi 16 ta ko‘p qavatli uylardagi 300 ta xonadon; Kichik halqa yo‘lidagi 8 ta ko‘p qavatli uydagi 120 ta xonadon; Yahyo G‘ulomov ko‘chasidagi 2 ta ko‘p qavatli uylardagi 110 ta xonadon;
Mirzo Ulug‘bek tumani: C-1 2 ta ko‘p qavatli uylardagi 100 ta xonadon, 2 ta ulgurji iste’molchi;
Yashnobod tumani: 34 ta ko‘p qavatli uylardagi 1116 ta xonadon, 150 ta yerli xonadon, 65 ta ulgurji iste’molchi;
Yunusobod tumani: S-4 40 ta ko‘p qavatli uylardagi 1600 ta xonadon, Kablukov ko‘chasida 3 ta ko‘p qavatli uylardagi 200 ta xonadon.
Qayd etilishicha, ayni vaqtda “Hududgaz Poytaxt” GTFning avariya brigadasi tomonidan ta’mirlash ishlari olib borilmoqda.
“Ta’mirlash ishlari yakunlangandan keyin iste’molchilarni ogohlantirgan holda tabiiy gaz ta’minoti qayta tiklanadi”, deyiladi xabarda.
.jpg "X factor uzbekistan")
.png "YouTube UZREPORT TV")
