Ulug‘bek Rozuqulov "O‘zavtosanoat" kompaniyasi raisi lavozimiga tayinlandi
Ulug‘bek Ubaydullayevich Rozuqulov "O‘zavtosanoat" kompaniyasi boshqaruvi raisi etib tayinlandi.
Tayinlovga qadar u 2018-yildan O‘zbekistonning Indoneziyadagi, 2019-yilning oktabr oyidan esa Vyetnamdagi elchisi bo‘lib ishlagan.
Bundan tashqari, 2017—2018 yillarda Ulug‘bek Ro‘ziqulov "O‘zbekiston havo yo‘llari" milliy aviakompaniyasi boshqaruvi raisi lavozimida faoliyat yuritgan.
Shuningdek, unga qadar Bosh vazir o‘rinbosari — "O‘zavtosanoat" boshqaruvi raisi, O‘zbekiston Tiklanish va taraqqiyot jamg‘armasi ijrochi direktori, Iqtisodiyot vazirining birinchi o‘rinbosari, Vazirlar Mahkamasi Tashqi iqtisodiy aloqalar departamenti direktori lavozimlarida ham ishlagan.
Ulug‘bek Rozuqulov 1969-yilda tug‘ilgan. U Lomonosov nomidagi Moskva davlat universiteti bitiruvchisi, Rossiya Fanlar akademiyasi Iqtisodiyot instituti aspiranturasini tamomlagan. Rozuqulov shuningdek, iqtisod fanlari nomzodi hisoblanadi.
Eslatib o‘tamiz, 23-mart kuni "O‘zavtosanoat" kompaniyasining sobiq raisi Shavkat Umurzoqov Toshkent hokimi vazifasini bajaruvchi etib tayinlangandi. 16-yanvar kunida esa Toshkent shahar hokimi Jahongir Ortiqxo‘jayev ishdan olingan edi.
.png "YouTube UZREPORT TV")
