Murodjon Ahmadaliyev jang qiladigan musobaqaning promo roligi e’lon qilindi
Birinchi yarimengil vaznda sobiq jahon chempioni, Butunjahon boks assotsiatsiyasi (WBA) kamari uchun rasmiy da’vogar Murodjon Ahmadaliyev 14 dekabr kuni Monte-Karloda navbatdagi jangini o‘tkazadi. 4 dekabr kuni Ahmadaliyev jang qiladigan turnirning reklama roligi e’lon qilindi. Bu haqda O‘zbekiston Professional boks federatsiyasi matbuot xizmati xabar berdi.
Videorolikda turnirda retro uslubidan foydalanilgan va musobaqa doirasida ringga ko‘tariladigan bokschilarning mamlakatlari o‘ziga xos tarzda ko‘rsatib berilgan. Videoda Murodjon Ahmadaliyev nomi chiqqanda videoda Samarqand shahridagi Registon maydoni tasvirini ko‘rish mumkin.
Qayd etish joiz, Ahmadaliyev “Matchroom” promouterlik kompaniyasi tomonidan tashkil etilayotgan profboks oqshomining markaziy jangida ringga ko‘tariladi. Jang yarimengil vaznda vaktinchalik WBA kamari uchun bo‘lib o‘tadi.
O‘sha kuni 29 yoshli Ahmdaliyev meksikalik 27 yoshli Rikardo Espinosa Franko ga qarshi ringga chiqadi. Espinosa WBA reytingida 13-o‘rinni egallab turibdi. Rikardo Espinosa Franko 2019 yilda yengil vaznda vaqtinchalik WBO kamari uchun ham jang o‘tkazgan va o‘shanda u uch vazn toifasida jahon chempioni Jon Ril Kasimeroga 11-raundda nokaut bilan yutqazgan.
.jpg "X factor uzbekistan")
.png "YouTube UZREPORT TV")
