Huawei 1
Париж Олимпиадасига йўлланмани қўлга киритган Ўзбекистон U-23 терма жамоаси Тошкентга қайтиб келди

Ўзбекистон тарихида илк бор жамоавий йўналишда олимпия ўйинлари лицензиясини қўлга киритган Тимур Кападзе бошчилигидаги U-23 терма жамоамиз Тошкентга қайтди. Футболчиларимизни муносиб кутиб олиш учун уларнинг яқинлари, кенг спорт жамоатчилиги ва ОАВ  вакиллари эрта тонгдан 3-терминалга чиқишди. UzReport TV ижодий жамоаси ҳам ушбу кутиб олиш маросимида қатнашди. Саҳнида футболчиларимиз бўлган ҳаво кемаси Доҳадан Тошкентга учиб келди.

Тадбирнинг расмий қисмида футболчиларимизга давлат раҳбари томонидан йўлланган табрик ўқиб эшиттирилди.

Терма жамоамиз бош мураббийи Тимур Кападзе Парижда бўлиб ўтадиган олимпия ўйинларида муносиб иштирок этиш учун рақиб танлаш керакмаслигини таъкидлаб ўтди.

Тадбир якунлангач ананага мувофиқ футболчиларимиз ҳам автобусларга чиқиб шаҳар бўйлаб сайр қилишди. Фурсатдан фойдаланиб, Ижодий гуруҳимиз номидан олимпиада йўлланмасини қўлга киритган терма жамоамизни табриклаймиз.


Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga