Afg'oniston AQShning 7 milliard dollarlik qurollarni qaytarish haqidagi chaqirig'ini rad etdi - Bloomberg
Avvalroq Donald Tramp agar "Tolibon" Amerika qurol-yarog‘ va jihozlarini qaytarib bermasa, Afg‘onistonga barcha moliyaviy yordamni to‘xtatishini aytgan.
“Tolibon” harakati AQSh prezidenti Donald Trampning 7 milliard dollarlik Amerika qurollarini qaytarish haqidagi chaqirig‘ini rad etdi, deb xabar bermoqda Bloomberg manbalarga tayanib.
Agentlik maʼlumotlariga koʻra, harakat aʼzolari Qoʻshma Shtatlar nafaqat qoʻlga olingan qurol-yarogʻlarini qoldirishi, balki Islomiy davlat terrorchilik tashkilotiga qarshi kurashish uchun zamonaviyroq vositalar bilan taʼminlashi kerak, deb hisoblaydi.
19-yanvar kuni bo‘lib o‘tgan mitingda Donald Tramp agar "Tolibon" Amerika qurol-yarog‘ va jihozlarini qaytarib bermasa, Afg‘onistonga barcha moliyaviy yordamni to‘xtatishini aytdi. Uskunalar 2021-yilda AQSh qo‘shinlari Afg‘onistonni 20 yildan ko‘proq vaqtdan keyin tark etganida qo‘lga olingan.
.jpg "X factor uzbekistan")
.png "YouTube UZREPORT TV")
