Estoniya Finlyandiya bilan birgalikda Rossiya flotining Boltiq dengizida harakatlanishini taqiqlamoqchi

Finlyandiya va Estoniya dengiz mudofaasi sohasida hamkorlikni oshirmoqda. Bu haqda Estoniya mudofaa kuchlari qo‘mondoni Andrus Merilo xabar berdi. Uning so‘zlariga ko‘ra, ikki davlat Boltiq dengizida Rossiya floti harakatini taqiqlash bo‘yicha aniq rejalar ishlab chiqishi kerak.

U Estoniya Finlyandiya bilan birgalikda, agar kerak bo‘lsa, Boltiq dengizida “dushman faoliyatini to‘liq ta’qiqlash”, shu jumladan “harbiy” bo‘yicha aniqroq rejalar ishlab chiqishiga umid bildirdi.

“Finlyandiya ko‘rfazining yopilishi strategik jihatdan xavfsizlik holatiga bog‘liq. Agar xavf paydo bo'lsa va zarurat tug‘ilsa, biz o‘zimizni himoya qilish uchun buni amalga oshirishga tayyormiz”, — dedi Merilo Xelsingin Sanomat nashriga bergan intervyusida.

Bugun, 18-sentabr kuni Estoniya mudofaa kuchlari qo‘mondoni Xelsinkiga tashrif buyurdi. U Finlyandiya mudofaa vaziri Antti Xakkanen va Finlyandiya mudofaa kuchlari bosh qo‘mondoni Janne Yaakkola bilan uchrashadi.

Hududiy dengiz va qo'shni zona to'g'risidagi konvensiyaga ko'ra (asosiy chiziqdan 12 milyadan oshmasligi kerak), mamlakatlar o'z hududida yoki hududiy dengizda bojxona, soliq, immigratsiya va sanitariya qonunlari buzilishining oldini olish uchun nazoratni amalga oshirishi mumkin. Cheklar xorijiy harbiy kemalarga yoki xorijiy davlatlar tomonidan notijorat maqsadlarda foydalaniladigan kemalarga taalluqli emas.

Estoniya mudofaa kuchlarining avvalgi rahbari Martin Herem ham may oyida Polsha, Shvetsiya va Finlyandiya bilan birgalikda Boltiq dengizining ehtimoliy blokadasini muhokama qilishni taklif qilgan edi. Uning so‘zlariga ko‘ra, bu Rossiyaning harbiy kuchayishi fonida himoyani kuchaytirish uchun zarur. 2023 yilning kuzida Latviya prezidenti Edgars Rinkevich Boltiq dengizini Balticconnector gaz quvuriga shikast etkazganligi sababli Rossiya kemalari uchun yopishni taklif qilgan edi.