Qirg‘izistonning Issiqko‘l viloyatidagi tog‘li yaylovida yashin urishi oqibatida 250 bosh qo‘y nobud bo‘ldi. Bu haqda respublika Favqulodda vaziyatlar vazirligi matbuot xizmati ma’lum qildi.
Vazirlik maʼlumotlariga koʻra, favqulodda holat Issiqkoʻl viloyati Ton tumanidagi “Jazi Kechu” yaylovida sodir boʻlgan.
“7-iyul kuni kechqurun to‘g‘ridan-to‘g‘ri podani yashin urdi. Natijada 250 bosh qo‘y nobud bo‘ldi”, — deyiladi xabarda.
Favqulodda vaziyatlar vazirligi aholini noqulay tabiat hodisalari haqida oldindan ogohlantirganini ma’lum qildi.
Ayni damda fuqaro mudofaasi boshqarmasi va Ton tumani tezkor guruhi voqea holatlarini o‘rganmoqda.
Alpha version: 0.9.1.19 build 100611 | Инструменты