Shimoliy Koreya yettita ballistik raketa uchirdi
Seuldagi harbiy rasmiylarning ma'lum qilishicha, Shimoliy Koreya bir necha kun ichida ikkinchi marta Yapon dengizi tomon raketa uchirdi. Uchirish Yaponiyada tasdiqlanib, KXDR harakatlarini qoraladi
Shimoliy Koreya 5-noyabr, seshanba kuni ertalab Yaponiya dengizi tomon kamida yettita qisqa masofali ballistik raketa uchirdi, deb xabar berdi Janubiy Koreya Birlashgan shtab boshliqlari qo‘mitasi (JCS) va Yaponiya Mudofaa vazirligi. Bu bir necha kun ichida Shimoliy Koreyadan ikkinchi ballistik raketa uchirilishidir.
Seul ma’lumotlariga ko‘ra, raketalar 400 kilometrga yaqin masofani bosib o‘tgan. Janubiy Koreya harbiylari Yaponiya va Amerika ittifoqchilari bilan ma’lumot almashib, real vaqt rejimida uchirishni kuzatdi. Yaponiya Vazirlar Mahkamasi Bosh kotibi Yoshimasa Xayashi Shimoliy Koreyadan ballistik raketa uchirilishi “mamlakatimiz tinchligi va xavfsizligiga tahdid solayotganini” aytdi.
3-noyabr kuni Janubiy Koreya, Yaponiya va AQSh qo‘shma havo mashqlari o‘tkazdi. Koreya Mudofaa sanoati assotsiatsiyasidan Xan Kvon Xi AFPga bergan intervyusida Pxenyanning so‘nggi raketa uchirilishini ushbu uch tomonlama harbiy mashg‘ulotlarga “to‘g‘ridan-to‘g‘ri javob” sifatida ko‘rish mumkin.
Shimoliy Koreyadan avvalgi raketa uchirilishi 31-oktyabr kuni amalga oshirilgan edi. AQSh, Janubiy Koreya va Yaponiya tashqi ishlar vazirlari Shimoliy Koreyaning harakatlarini "qat'iy qoralab", ularni "BMT Xavfsizlik Kengashining ko'plab rezolyutsiyalarini qo'pol ravishda buzish" deb atadi.
.jpg "X factor uzbekistan")
.png "YouTube UZREPORT TV")
