Rossiya mudofaa vaziri Sergey Shoyguning o'rinbosari Dmitriy Bulgakov o'z lavozimidan ozod etildi
Rossiya mudofaa vazirligi qisman safarbarlik boshlanganidan beri birinchi yirik kadrlar oʻzgarishini eʼlon qildi. Vazir Sergey Shoyguning o‘rinbosari, qo‘shinlarning moddiy-texnik ta’minoti uchun mas’ul bo‘lgan Dmitriy Bulgakov “boshqa ishga o‘tgani sababli” lavozimidan ozod etildi.
Uning o'rniga bu lavozimga Mixail Mizintsev tayinlandi. General-polkovnik Mixail Mizintsev bungacha Milliy mudofaa nazorati markazi rahbari lavozimida ishlagan.
Armiya generali Dmitriy Bulgakov 2008-yil 2-dekabrdan buyon mudofaa vaziri o‘rinbosari lavozimida ishlab kelayotgan edi.