“Tolibon” Kobulda emlashni to‘xtatdi

Associated Press agentligi BMTga tayanib, “Tolibon” Afg‘onistonda poliomiyelitga qarshi emlash kampaniyalarini to‘xtatgani haqida xabar berdi.

Nashrga ko‘ra, emlash to‘xtatilgani haqidagi xabar emlash kampaniyasi boshlanishi arafasida BMT agentliklariga yetkazilgan. Qayd etilishicha, emlashni to‘xtatib turish uchun hech qanday sabab keltirilmagan, “Tolibon” rasmiylari esa holat yuzasidan izoh bermagan.

Ikki vaksina manbasi poliomiyelitga qarshi vaksina kampaniyasining yangi bosqichi o‘tgan haftada Kobul shahrida boshlanishi kerakligini, ammo rasmiylar kampaniya keyingi ogohlantirishgacha to‘xtatilishini e’lon qilgan.

Ayol vaksinachilardan biri Daily Information nashriga poliomiyelitga qarshi emlash kampaniyasining to‘xtatilishi sababi haligacha noma’lumligini aytgan. Biroq uning qo‘shimcha qilishicha, ba’zi koordinatorlar o‘z xodimlariga emlash kampaniyasi faqat ayol vaksinatorlar uchun to‘xtatilganligi haqida xabar berishgan.

Shu bilan birga, manbaning ta’kidlashicha, hozircha emlash kampaniyasining to‘xtatilishi sababi ushbu kampaniya mutasaddilari tomonidan e’lon qilinmagan.

“Endilikda ayollarga emlash bo‘yicha ishlashga ruxsat berilmaydi, degan xavotirlar mavjud”, deyiladi xabarda.

“Tolibon” avvalroq ba’zi viloyatlarda emlovchi ayollardan erkak mahram bo‘lishini talab qilgan, boshqa viloyatlarda esa ayollarni kampaniyadan chetlatgan. Jahon sog‘liqni saqlash tashkiloti Afg‘onistondagi emlash kampaniyalarida ayollarning ishtiroki 20% atrofida qolayotganini aytgan.

Qandahor shahridagi manbalarga ko‘ra, viloyatda poliomiyelitga qarshi emlash kampaniyasi “masjidma-majid” asosida olib borilmoqda, biroq ayollar emlash kampaniyalarida ishtirok etmayapti.