2024-yilda so‘mning real samarali almashuv kursi 5,9% ga mustahkamlandi
2024-yilda so‘mning real samarali almashuv kursi (REER) 5,9% ga mustahkamlandi. Bu haqda Markaziy bank taqdimotida keltirilgan.
23-yanvar kuni bo‘lib o‘tgan matbuot anjumanida Markaziy bank boshqaruvi raisi Timur Ishmetov o‘tgan yil so‘nggi oylarida real samarali almashuv kursining ma’lum darajada mustahkamlanishi qisqa muddatli xarakterga ega bo‘lganini qayd etdi.
Buning sabablari qatorida rergulyator raisi savdo hamkorlari valyutalarining qadrsizlanishi va O‘zbekistonda inflyatsiyaning bu mamlakatlarga nisbatan yuqori darajasini ko‘rsatib o‘tdi. O‘tgan yili inflyatsiya 9,8% ni tashkil etib, prognozdan yuqori bo‘ldi. Joriy yilda Markaziy bank inflyatsiyaning 7−8% gacha sekinlashishini prognoz qilmoqda.
“Joriy yilning ikkinchi yarmida inflyatsiya darajasining pasayishi bilan real samarali almashuv kursi o‘rta muddatli trend darajasiga qaytishi kutilmoqda”, — dedi u.
.jpg "X factor uzbekistan")
.png "YouTube UZREPORT TV")
