АПЛ. 33-тур. Чемпионликни кейинги турда нишонлаймиз, "Манчестер Юнайтед" дербида "Сити"ни мағлуб этди

Англия Премьер-лигасининг 33-туридан ўрин олган “Манчестер Сити” – “Манчестер Юнайтед” учрашувининг матнли онлайн трансляцияси.

7 апрель 2018 йил. Манчестер шаҳри. "Этихад" стадиони. 

Англия чемпионати. 33-тур. 

"Манчестер Сити" - "Манчестер Юнайтед" 2:3 

Ҳакам: Мартин Аткинсон

"Манчестер Сити" - Эдерсон, Отаменди, Компани, Данило, Стерлинг, Гюндоган, Бернарду Силва, Сильва, Сане, Фернандиньо, Делф.

"Манчестер Юнайтед" - Де Хеа, Байи, Смоллинг, Валенсия, Янг, Погба, Матич, Лингард, Эррера, Санчес, Лукаку.

Гол: 25 - Компани, 31 - Гюндоган, 53 - Погба, 54 - Погба, 69 - Смоллинг

"Манчестер Сити" чемпионлик масаласини кейинги турга олиб қўядиган бўлди. "Манчестер Юнайтед" эса бу ғалаба билан ҳар қанча мақтанса бўлади.

УЧРАШУВ ЯКУНЛАНДИ!

94 - Виктор Линделёф майдонга тушди. Эррера заҳирага олинди.

92 - Жезуснинг асаби дош бермаяпди. Аткинсон унга ҳам сариқ карточка кўрсатди. Ажойиб дерби!

Иккинчи таймга 5 дақиқа қўшиб беришди.

90 - Кетма кет зарбалар. Бироқ Де Хеа бошқа гол ўтказиш ниятида эмас!

89 - Агуэродан бош билан берилган зарбаааа! Де Хеадан фантастик сейв!!!

88 - Бугун йўқотилган куч "Сити"ни "Ливерупль"га қарши ўйинига ўз таъсирини ўтказиши мумкин. 

85 - "МЮ"да ўзгариш. Мактоминай майдонга тушди. Лингард заҳирага олинди.

83 - "Сити" футболчилари катта куч билан ҳужумга ўтмоқда.

82 - Санчес захирага олинди. Рэшфорд унинг ўрнига туширилди.

81 - Энди эса Погба Отамендининг оёғига зарба берди ва унга сариқ карточка кўрсатилди. 

79 - Бироз аввалги қўполлик учун Фернандиньога сариқ карточка кўрсатилди.

78 - Такрорий лавхада пенальти бор эканлиги маълум бўлди! 

77 - Ҳавфли вазияяяяят! Агуэро жарима майдонида йиқитилди. Аткинсон эса пенальти йўқ деб ҳисоблади. Мухлислар жумбушга келишди. Вазият давомида "Сити" футболчилари қизишиб кетишди ва Лингардга нисбатан қўполлик ишлатишди. Даҳанаки жанг бошланди! Ҳақиқий дерби бошланди!

76 - Кутилган ўзгариш. Серхио Агуэро майдонга туширилмоқда! Гюндоган эса захирага олинди.

72 - Бир йўла иккита ўзгариш. Иккита Сильва ўрнига Де Брюйне ва Жезус майдонга туширилди. "Сити"нинг ҳужуми кучайтирилди.

70 - Де Брюйне майдонга тушишга ҳозирлик кўрмоқда. Гвардиола камераларга қарашни истамаяпди.

69 - ГООООООООООЛ. 2:3 СМОЛЛИНГГГГГГГ. МАНА КАМБЭЭЭЭЭЭК. "СИТИ"нинг чемпионлигини кейинга суриладиган кўринади.

67 - Жозе Моуриньо майдонга тушишга ҳозирлик кўраётган Рэшфордга кўрсатмалар бермоқда.

65 - Илькай Гюндоганнинг зарбасига эса бироз аниқлик етишмади.

64 - "Сити" фойдасига жарима зарбаси. 

63 - Стерлинг қоида бузди. Ҳакам унга сариқа карточка кўрсатди.

61 - Дерби ана энди ўз мақоми даражасига чиқди! Иккала клуб ҳам вазият туғилиши билан ҳужумга ўтмоқда.

60 - Лингард узоқ масофадан мезбонлар дарвозасини нишонга олди. Лекин зарба ноаниқ чиқди.

58 - "Сити" футболчиларида яхши имконият! Жарима майдонига ёриб кирган Сильвага тўп узатилди. Бироқ испанияликнинг зарбасини Де Хеа қийинчиликсиз қайтарди.

Моуриньо келиша олмаётган Погба ҳозир "МЮ"ни мағлубиятдан қутқармоқда. Франциялик футболчи майдон марказида тўпни эгаллаб уни Санчесга узатди. Чилилик футболчи эса жарима майдонига қараб югураётган французга тўпни қайтарди. Погба Эдересонни аяб ўтирмади!

54 - ГООООООООЛ! ЯНА ПОГБАААААА 2:2

"МЮ"нинг фаоллиги фойда келтирди. Ўнг қанотдан ривожланган ҳужум чиройли комбинацияга айланди ва чиройли тарзда якунланди!

53 - ГООООООООЛ! ПОГБАААААА 2:1

51 - Илькай Гюндогандан ажойиб зарба!!! Агарда бирозгина аниқлик ҳам бўлганида бу гол ўйинга нуқта қўйган бўларди. 

49 - Меҳмонлар иккинчи таймда фаоллашиб қолишди. Моуриньо шогирдларига керакли гапларни топа олга кўринади.

48 - "МЮ"нинг иккинчи таймдаги биринчи ҳужуми. Лукаку жарима майдони ичига кириб жамоадошига тўпни узатмоқчи бўлди. Бироқ тўп ҳимоячига тегиб майдон ташқарисига чиқиб кетди. Бурчак тўпидан наф чиқмади.

46 - Маркус Рэшфорд майдон ташқарисида тайёргарликни бошлаб юборди. "Сити" сафида эса де Брюйне ҳам.

Учрашувнинг иккинчи тайми бошланди!

Ҳа "Этихад" стадионида "Сити" чиндан ҳам кучлироқ эканлигини биринчи бўлимда яққол кўриниб қолди. Гвардиола шогирдлари деярли ҳамма жабҳада устунлик қилишди. Аслида ҳисоб бундан ҳам йирикроқ бўлиши мумкин эди. Бироқ Стерлингни хатолари бунга тўсқинлик қилди.

Биринчи тайм якунланди!

45 - Биринчи таймга 1 дақиқа вақт қўшиб берилди. Биринчи бўлим "Сити" тўлақонли устунлигида ўтди. 

42 - "Сити" футболчиларининг деярли ҳар бир ҳужуми ҳавфли кўриниш олмоқда. "МЮ" футболчилари эса қандай қилиб ҳужум ташкил этиш борасида бошлари қотган.

41 - Яна бир зарба мезбонлардан! Яна Раҳим Стерлинг фаоллик кўрсатди бироқ унинг зарбаси гол билан якунланмади.

39 - "МЮ" футболчилари руҳий тушкунликка тушиб қолишди. Тезроқ ўларига келиб олишмаса бугун "шаҳарликлар" ҳисобни йирик кўринишга келтириб қўйишлари аниқ!

36 - Раҳим Стерлингдан яна бир зарба! Ҳаммаси 3 голга қараб кетмоқда. "МЮ" ҳимоясида бугун "очиқ эшиклар куни" шекилли.

34 - Яна бир зарба! Раҳим Стерлинг ўйинга сўнги нуқтани қўйишига бир баҳия қолди. Сер Алекс Фергюссон ўйинни кўргиси ҳам келмаяпди.

Илькай Гюндоган жарима майдони ичида бир ҳаракат билан "МЮ" ҳимоячисини доғда қолдирди ва Де Хеа дарвозасининг узоқ бурчагини аниқ нишонга голди. Бу гол турнинг энг чиройли голи бўлишга даъвогарлик қилиши аниқ!

31 - ГООООООЛ! 2:0 ГЮНДОГААААААНДАН

30 - Моуриньо шогирдлари фаоллашишди. Бироқ ҳужумлар муваффақиятсиз якунланмоқда. Бу сафар Янгнинг ўнг қанотдан узатмаси ноани чиқди.

27 - Энди "МЮ"да бутун эътиборини ҳужумга қаратишдан бошқа чораси қолмади ва улар шундай ҳам қилишмоқда.

Бурчак тўпидан узатилган тўпга "Сити" сардори зарба берди ва ўйинда ҳисобни очди.

25 - ГООООООООЛ. Венсан Компанииииии. 1:0

24 - Меҳмонлар ҳам вазиятлар содир этишга уринишмоқда. Бироқ бу уринишлар ҳавфли кўриниш олганича йўқ.

22 - Ҳавфли вазият! "Манчестер Юнайтед" ҳимоясидаги палапартишликдан сўнг Бернарду Сильва зарба беришга имкон топа олди. Лекин Де Хеа доимгидек "МЮ"ни қутқарди.

19 - Сильва узоқ масофадан зарба бериб кўрди. Лекин испаниялик яримҳимоячи зараси ноаниқ чиқди.

17 - Биринчи таймнинг биринчи қисмида мезбонлар бироз устунликка эга бўлиб туришибди. Бироқ Моуриньо шогирдлари ўз вақтларини кутаётгани сезилиб турибди. "Юнайтед" ҳозирча қарши ҳужумларга таянмоқда. 

14 - "Манчестер Юнайтед" рақиб хатосидан фойдалана олмади. Бурчак зарбаси. Лекин стандартдан фойда бўлмади.

12 - Ана энди Поль Погбага нисбатан қоида бузилди. Жарима зарбасидан кейин эса Эдерсон тўпни эгаллаб олди. 

9 - Раҳим Стерлинг ўнг қанотдан жарима майдонига ёриб ўтишга уринди Лекин уни Эшли Янг майдонга йиқитди. Ҳакамлар эса бу сафар ҳам қоида бузилишини қайд этишмади. Бугун ҳакамлар футболчиларга манашундай елкама-елка курашларга ҳам имкон беришмоқда.

9 - "Сити" футболчилари нисбатан кўпроқ ҳужум ташкил этишмоқда. 

7 - Ўйин юқори темпда давом этмоқда. Ливерпуль дербисидан кўра анча шиддатли ўйинга гувоҳ бўлмоқдамиз.

5 - Ҳавфли вазият! Чап қанотдан Давид Сильванинг жарима майдонига бўлган узатмасини Эшли Янг қийинчилик билан тўхтатиб қолди. Агар у бўлмаганида тўп Стерлингга етиб келган бўларди. Стерлинги эса ҳеч кич қўриқламаётганди.

2 - "Манчестер Сити" ўз услубида рақибни тўпсиз ўйнашга мажбур этишга ҳаракат қилмоқда. Лекин меҳмонлар бунга қараб туришаётгани йўқ.

УЧРАШУВ БОШЛАНДИ!

Футболчилар майдонга чиқиб келишди. Мазкур ўйин ҳам Рей Уилкинс хотирасига бир дақиқалик сукут билан бошланмоқда.

Айни дамда "Этихад" стадионида фантастик муҳит ҳукмронлик қилмоқда. "Сити" муҳлислари мазкур ўйинга астойдил тайёргарлик кўришгани яққон кўриниб турибди.

Бугун Англия Премьер-лигасида 2017/18 йилги мавсум ғолиби аниқланиши мумкин. Бу учун “шаҳарликлар” мазкур турда ўз ҳамшаҳарларини мағлубиятга учратишса бўлгани. Бир ҳафта муқаддам “Эвертон”ни енган Гвардиола шогирдлари ўз кучларига ишонч сезишаётган эди. Бироқ Чемпионлар лигасидаги мағлубиятдан сўнг “Сити”нинг ҳам камчиликлари яққол кўзга ташланди. Шу боис ҳам испаниялик мутахассис бу хатоларни бартараф этиб “Ливерпуль”га қарши жавоб ўйини ҳақида ўйлаётган бўлса ажаб эмас. Устига устак, камбэк намойиш этиш учун “Сити” футболчилари яна ўз кучларига ишонч ҳозил қилишлари учун ҳам мазкур ўйинга жиддий эътибор беришлари мумкин.

“Манчестер Юнайтед” жамоаси эса ўтган турда “Суонси”ни қийинчиликсиз мағлубиятга учрата олди. Энг муҳими Жозе Моуриньо шогирдлари мухлислар хоҳлаганидек ҳужумкор ўйин намойиш этишди. Мазкур ўйиндаги натижа “қизил иблислар”ни мавсумни иккинчи ўринда якунлашлари учун муҳим. 2013-йилги чемпионликдан сўнг бу “Манчестер Юнайтед” учун энг яхши натижа бўлади.

Ассалому алайкум футбол мухлислари, www.uzreport.news сайти Англия Премьер-лигасининг 33-туридан ўрин олган Манчестер дербисининг матнли онлайн трансляциясини эътиборингизга тақдим этади.

Сўнги хабарларни ўқиш учун, саҳифани янгилаб туринг!