19-aprel kuni O‘zbekistonda sodir bo‘lgan muhim voqealar dayjesti

"Sababi korrupsiya bilan bog‘liq" - Sog‘liqni saqlash vaziri yaroqlilik muddati juda qisqa dori-darmonlar sotib olinayotgani haqida

Qonunchilik palatasidagi yig‘ilishda SSV rahbaridan nima uchun poliklinikalar yaroqlilik muddati juda qisqa dorilarni sotib olayotgani bo‘yicha izoh so‘raldi.

O‘zbekiston 1-iyundan xorijliklar uchun "oltin vizalar" joriy qiladi

2025-yil 1-iyundan xorijiy davlatlar fuqarolari va fuqaroligi bo‘lmagan shaxslarga 200 ming AQSh dollari hamda ularning har bir oila a’zosiga (turmush o‘rtog‘i, farzandi va ota-onasi) 100 ming AQSh dollari miqdoridagi to‘lovlar evaziga O‘zbekistonda yashash guvohnomasi 5 yil muddatga soddalashtirilgan tartibda beriladi.

Ichki bozorda raqobat muhiti rivojlantiriladi

2025-yil 1-maydan boshlab muvofiqlik deklaratsiyasini sertifikatlashtirish organlarida ro'yxatdan o'tkazish tartibi bekor qilinadi hamda ularni shakllantirish va hisobga olish Texnik tartibga solish axborot tizimi (TRIS) orqali amalga oshiriladi.

Afg'onistonda sodir bo'lgan zilzila kuchi O'zbekistonning qator hududlarida sezildi

Afg‘onistonda 3 ballik zilzila sodir bo‘ldi va uning kuchi O‘zbekistonda sezildi.

Toshkentda noma’lum shaxs soxta qurol bilan bankni o‘marmoqchi bo‘ldi

Toshkentda bank xizmatlari markaziga uyushtirilgan bosqinchilik harakati yuzasidan ma’lumot berildi.

«O‘zbekkosmos» SpaceX bilan sun’iy yo‘ldosh uchirish imkoniyatini muhokama qildi

O‘zbekiston Kosmik tadqiqotlar va texnologiyalar agentligi AQShga tashrifi davomida Los-Anjelesda SpaceX kompaniyasi vakillari bilan muzokaralar o‘tkazdi.

Toshkent viloyatidagi ba’zi yo‘llarda ruxsat etilgan tezlik 80 km/soatgacha cheklandi

Toshkent viloyati hokimining ayrim aholi yashash hududlaridan tashqarida avtomobillar tezligini kamaytirish to‘g‘risidagi qarori qabul qilindi.

Buxorodagi xususiy klinikada 11 yoshli bola ukoldan so‘ng vafot etdi

Bosh prokuratura holat yuzasidan tergovga qadar tekshirish harakatlari olib borilayotganini bildirdi.

Toshkent — Buxoro yo‘nalishida qo‘shimcha poyezd qatnovlari yo‘lga qo‘yiladi

Sayyohlar uchun qulaylik yaratish maqsadida Toshkent — Buxoro — Toshkent yo‘nalishida qo‘shimcha “Afrosiyob” poyezdlari qatnaydi.

Oʻzbekiston harbiylari xalqaro musobaqada rekord natija bilan gʻolib boʻlishdi

Oʻzbekiston Mudofaa vazirligi terma jamoasi Pokiston Islom Respublikasi hududida oʻtkazilgan VIII Xalqaro “Jamoa ruhi” musobaqasida ishtirok etdi.

Burger King yaqin oylarda O‘zbekiston bozoriga kirishi kutilmoqda

“2−3 oyda bizda Burger King nomli kompaniyalar ochiladi. Bu nafaqat Toshkent bo‘yicha bo‘ladi, balki ular bizga markaziy ofisni Toshkentda ochib, butun Markaziy Osiyo uchun litsenziya berishni taklif qilishdi”, — dedi tadbirkor Shuhrat Ergashev.

Toshkentning to‘rtta tumanida issiq suv o‘chirilishi 22-aprelgacha davom etadi

Yunusobod, Mirzo Ulug‘bek, Shayxontohur va Olmazor tumanlarining aksar hududlarida issiq suvni o‘chirish 22-aprelgacha uzaytirildi.

Tataristonda og‘ir kasallikka chalingan fuqaro O‘zbekistonga olib kelindi

O‘zbekiston Bosh konsulxonasi ko‘magida Tataristonda og‘ir kasallikka chalingan yurtdoshimiz O‘zbekistonga qaytarildi.