Bobo Usmon Baturovda durang, Aslonov kamar uchun jangda yutqazib qo‘ydi
Rossiya Federatsiyasining Yekaterinburg shahrida RCC Boxing promouterlik kompaniyasining navbatdagi professional boks turniri o‘tkazildi.
Xabar berganimizdek, ushbu turnir doirasida to‘rt nafar bokschimiz ham o‘z janglarini o‘tkazishdi. Bobousmon Baturov Mishel Kingga qarshi ringga ko‘tarildi. Sakkiz raundga mo‘ljallangan jang to‘liq davom etdi va unda hakamlar durang (76-74 Baturov, 78-72 King, 75-75 durang) natija qayd etishdi.
Maʼlumot uchun, bu Baturov uchun prof boksdagi 5-jang bo‘ldi. U janglarining uchtasida g‘alaba qozongan. Ikkita jang durang bilan yakunlangan. King esa 9-jangini o‘tkazdi. Uning hisobida 6 g‘alaba, 2 mag‘lubiyat va 1 durang bor.
Afsuski, tajribali Odiljon Aslonov WBA Asia kamari uchun kechgan jangda rossiyalik Nikita Zonga imkoniyatni boy berib qo‘ydi. Shahbozbek Tolibjonov prof ringdagi to‘rtinchi jangida tojikistonlik Asror Vohidovga ochkolar hisobi bo‘yicha yutqazdi. Ushbu turnirdagi yagona g‘alabani buxorolik Saidjamshid Jaʼfarov taqdim etdi. U prof boksdagi debyut jangida rossiyalik Gor Oganesyandan ustun keldi.
.jpg "X factor uzbekistan")
.png "YouTube UZREPORT TV")
