Huawei
ID-kartaga ega haydovchilardan haydovchilik guvohnomasini koʻrsatish talab etilmaydi

“Ichki ishlar organlari faoliyatiga zamonaviy axborot texnologiyalarini keng joriy etish chora-tadbirlari toʻgʻrisida”gi Hukumat qarori (645-son, 15.10.2021-y.) qabul qilindi. 

 Haydovchining yoʻl-patrul xizmati inspektoriga taqdim etilishi lozim boʻlgan hujjatlari yonida boʻlmagan taqdirda ular maxsus planshet qurilmasi yordamida identifikatsiya ID-kartasi orqali tekshiriladi.

Bunda, identifikatsiya ID-kartaga ega fuqarolarga tegishli transport vositasi haydovchisidan quyidagilarni talab qilish amaliyoti bekor qilinadi:

- yangi namunadagi haydovchilik guvohnomasi;

- transport vositasini roʻyxatdan oʻtkazganlik toʻgʻrisidagi, transportga egalik qilish, egasi yoʻqligida undan foydalanish yoki uni tasarruf etish huquqini tasdiqlovchi hujjatlar;

- transport egalarining fuqarolik javobgarligini majburiy sugʻurta qilish boʻyicha sugʻurta polisi.

 2022-yil 1-fevralgacha sugʻurta shartnomalari toʻgʻrisidagi maʼlumotlar yagona axborot tizimiga toʻliq kiritiladi.

Qaror bilan shuningdek, Ichki ishlar organlari tizimiga axborot texnologiyalarini joriy etish boʻyicha chora-tadbirlar dasturi tasdiqlandi

Qarorga koʻra, 2022-yil 1-martdan:

Quyidagi xizmatlar YAIDXP orqali elektron shaklda koʻrsatiladi:

Oʻzbekistonga chet davlat fuqarosini taklif qilish;

chet davlatda Oʻzbekiston fuqaroligini tasdiqlash boʻyicha tegishli hujjatlar va maʼlumotnomalar olish;

sudlanganlik (sudlanmaganlik) haqidagi maʼlumotlar olish;

avtotransport vositalarida taqiq mavjudligini tekshirish;

 jazoni ijro etish muassasalari va manzil koloniyalarida saqlanayotganlarni ularning yaqin qarindoshlari bilan uchrashuv vaqtini belgilash.


Комментарии: 1
Вы не авторизованы
Добавить комментарии без регистрации

Вверх