Jizzaxda avtobus va yuk mashinasi to‘qnashdi. 3 kishi jarohat olgan
Jizzax viloyati Sharof Rashidov tumanida yo‘lovchi tashuvchi avtobus va yo‘llarni tozalovchi maxsus transport vositasi ishtirokida yo‘l-transport hodisasi sodir bo‘ldi. Bu haqda viloyat IIB xabar berdi.
Qayd etilishicha, holat 30-yanvar kuni soat 13:30 atrofida viloyat hududidan o‘tuvchi M-39 Toshkent-Termiz avtomobil yo‘lining 1000 kilometrida sodir bo‘lgan.
Samarqanddan Toshkent tomon harakatlanayotgan yo‘lovchi tashuvchi avtobus o‘zidan oldinda ketayotgan, yo‘llarni tozalovchi maxsus transport vositasining orqasidan borib urgan.
Hodisa oqibatida haydovchilarga ham, avtobus yo‘lovchilariga ham jiddiy jarohat yetmadi. Faqat uch nafar fuqaroga birinchi tez tibbiy yordam ko‘rsatildi.
Hozirda holat yuzasidan tuman IIB tomonidan dastlabki surishtiruv ishlari olib borilmoqda.
Eslatib o'tamiz, bundan oldin Farg‘onada sodir bo'lgan ayanchli YTHda voyaga yetmagan bola halok bo'lgani haqida xabar bergan edik.
.jpg "X factor uzbekistan")
.png "YouTube UZREPORT TV")
