Qashqadaryodagi YTHda Labo ichida bo‘lgan 2 nafar fuqaro halok bo‘ldi
Joriy yilning 7 oktyabr kuni soat 14:20 atrofida G‘uzor tumani “Qoratikan” MFY hududidan o‘tuvchi 4R-79 “Qarshi-Chim-Chiroqchi-Shahrisabz” avtomobil yo‘lining 25 kilometrida YTH sodir bo‘lgan. Bu haqda Qashqadaryo IIB YHXB Matbuot xizmati xabar qildi.
Maʼlum qilinishicha, haydovchi B.T. boshqaruvida bo‘lgan “Mercedes-Benz" rusumli avtomobilini “Chim-Qarshi” yo‘nalishida boshqarib kelib, qarama-qarshi tomondan harakatlanib kelayotgan haydovchi Q.S. boshqaruvida bo‘lgan Labo rusumli avtomobili bilan urilgan.
Oqibatda Labo rusumli transport vositasida bo‘lgan 2 nafar fuqaro voqea joyida vafot etishgan.
Ushbu holat yuzasidan JKning 266-moddasi 3-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
.jpg "X factor uzbekistan")
.png "YouTube UZREPORT TV")
