Qozog‘istonda 7 nafar o‘zbekistonlik is gazidan vafot etdi
Bugun, 2-mart kuni Qozog'istonning Mangistau viloyati, Munayli tumani, Basquduq qishlog‘idagi xususiy turar-joy binosida bir oilaning zaharlanishi holatlari qayd etildi. Yordam berish uchun yetib kelgan qutqaruvchilar va tez tibbiy yordam guruhlari voqea joyida yetti kishini topdi, ulardan besh nafari voyaga yetmaganlar, barchasi voqea joyida halok bo‘ldi.
Mang‘istau viloyati Favqulodda vaziyatlar boshqarmasining dastlabki versiyasiga ko‘ra, fojia gaz uskunasidan foydalanish qoidalari buzilganligi sababli sodir bo‘lgan. Ma’lum bo‘lishicha, marhum O‘zbekiston fuqarolari Qozog‘iston Respublikasida vaqtinchalik yashash joyiga ega bo‘lgan.
Favqulodda holat sabablarini o‘rganish uchun Mang‘istau viloyati hokimining birinchi o‘rinbosari Erbol Izbergenov boshchiligida komissiya tuzildi.
Vafot etgan oilaning qarindoshlariga har tomonlama, jumladan, dafn etishda yordam ko‘rsatiladi.
Vaziyat Mangistau viloyati hokimining shaxsiy nazoratida.
.png "YouTube UZREPORT TV")
