Toshkentda erkak avtobusda janjal ko‘tarib, qizning yuziga tupurdi
Toshkent shahrida harakatlanayotgan avtobusda yo‘lovchilar o‘zaro tortishib, erkak qizning yuziga tuflab, uni haqorat qildi. Holat yuzasidan Ichki ishlar bosh boshqarmasi boshlig‘ining matbuot kotibi Nilufar Isaxanova ma’lumot berdi.
Ma’lum qilinishicha, holat joriy yilning 28 noyabr kuni taxminan soat 17:30 larda Uchtepa tumani hududida harakatlanayotgan avtobusda yuz bergan. Yo‘lovchilar 1992 yilda tug‘ilgan B.O. hamda 2001 yilda tug‘ilgan M.S.lar o‘rtasida og‘zaki tortishuv vujudga kelgan va B.O. qizning yuz qismiga tuflagan va turli xil so‘zlar bilan so‘kingan.
Mazkur holat yuzasidan Uchtepa tumani IIO FMB tomonidan fuqaro B.O.ga nisbatan Ma’muriy javobgarlik to‘g‘risidagi kodeksning 183-moddasi (Mayda bezorilik) bilan ma’muriy bayonnoma rasmiylashtirilib, to‘plangan hujjatlar Jinoyat ishlari bo‘yicha Uchtepa tumani sudiga yuborilgan.
Ijtimoiy tarmoqlarda tarqalgan videoda erkak qiz ustidagi kiyimini yechganini vaj qilib, janjal keltirib chiqargani va fuqaroning yuziga tuflab, uni haqorat qilganini ko‘rish mumkin.
.jpg "X factor uzbekistan")
.png "YouTube UZREPORT TV")
