Yetim bolalar uchun xorijda o‘tkaziladigan murakkab jarrohlik amaliyotlari budjetdan to‘liq kompensatsiya qilinadi - Prezident
Yetim bolalar uchun xorijda o‘tkaziladigan murakkab jarrohlik amaliyotlari budjetdan to‘liq kompensatsiya qilinadi - Prezident
Shavkat Mirziyoyev ishtirokida navbatdagi videoselektor yig’ilishida ma’lum qilinishicha, nogironligi bo‘lgan bolalarni qo‘llab-quvvatlash va davolashga bo’yicha, 1 avgustdan boshlab byudjetdan qo‘shimcha 100 milliard so‘m ajratiladi.
Jumladan, 2 ming nafar bola uchun 10 milliard so‘mlik 4 mingta zamonaviy eshitish vositalari xarid qilinadi.
Shuningdek, 615 nafar 5 yoshgacha kar-soqov va eshitishi zaif bolalarga 45 milliard so‘mlik eshitishga ko‘maklashuvchi maxsus implantlar o‘rnatiladi.
Tug‘ma yurak nuqsoni bor 2 ming nafar, bosh miyada o‘zgarishlari bor 1 ming nafar hamda harakat a’zolari kasalliklari bo‘yicha 1,7 ming nafar bolalarda bepul jarrohlik operasiyalari o‘tkaziladi, ularning 1 ming nafari protezlash va boshqa zarur uskunalar bilan ta’minlanadi (bunga jami 30 milliard so‘m ajratiladi).
Shuningdek, joriy yilda harakatlanishi cheklangan 1 ming 100 nafar bolalar elektr kreslo-aravachalar bilan ta’minlanadi (10 milliard so‘m).
"Kelgusi 5 yilda yana 12 ming nafar nogironligi bo‘lgan bolalar bu aravachalar bilan ta’minlanadi. Bundan tashqari, yetim bolalar uchun xorijda o‘tkaziladigan murakkab jarrohlik amaliyotlari byudjetdan to‘liq kompensasiya qilinadi" dedi Prezident.
.jpg "X factor uzbekistan")
.png "YouTube UZREPORT TV")
