Shaxmat: ICCD prezidenti “Toshkent open II” xalqaro turnirida qatnashadi
Karlar xalqaro shaxmat qo‘mitasi (ICCD) rahbari Toshkentda o‘tadigan shaxmat turnirida qatnashadi. Bu haqda O‘zbekiston shaxmat federatsiyasi matbuot xizmati xabar berdi.
Unda aytilishicha, ertaga, 10 oktyabr kuni poytaxtimizda karlar va zaif eshituvchilar o‘rtasida Karlar xalqaro shaxmat qo‘mitasi (ICCD) yo‘nalishida o‘zbekistonlik birinchi grossmeyster Alisher Anarqulov xotirasiga bag‘ishlangan “Toshkent open II” xalqaro turniri boshlanadi.
12 oktyabrga qadar davom etadigan mazkur nufuzli musobaqada Markaziy Osiyo va boshqa xorijiy davlatlarning 50 nafarga yaqin shaxmat ustalari qatorida Karlar xalqaro shaxmat qo‘mitasi (ICCD) prezidenti Fillip Gardner ham ishtirok etadi.
Shu kunlarda O‘zbekiston shaxmat federatsiyasida ushbu xalqaro turnirni yuqori saviyada tashkil etish borasida tashkiliy ishlar olib borilmoqda.
.jpg "X factor uzbekistan")
.png "YouTube UZREPORT TV")
