Tokio-2020: 3 nafar para dzyudochimiz final yo‘llanmasini qo‘lga kiritdi
Tokio-2020: 3 nafar para dzyudochimiz final yo‘llanmasini qo‘lga kiritdi
Paralimpiyachilarimizning Tokio-2020 yozgi Paralimpiya o‘yinlaridagi ishtiroki davom etadi. Bundan biroz avval sporchilarimiz Feruz Sayidov, Dovurxon Karomatov va Parvina Samandarova yarim finalda ishtirok etishdi.
Jumladan, erkaklar o‘rtasida -73 kg vazn toifasida hamyurtimiz Feruz Sayidov yarim finalda rossiyalik Vasiliy Kutuyevga qarshi tatamiga chiqdi.
Murosasiz kechgan bahs hamyurtimizning g‘alabasi bilan yakunlandi. Feruz raqibini ippon bahosi bilan mag‘lub etdi. U endi oltin medal uchun finalda ishtirok etadi.
Shuningdek, erkaklar o‘rtasida -81 kg vazn toifasida hamyurtimiz Dovurxon Karomatov meksikalik Adrian Sanchesga qarshi tatamiga chiqdi.
Shiddatli va murosasiz kechgan bahs hamyurtimizning g‘alabasi bilan yakunlandi. U endi oltin medal uchun finalda ishtirok etadi.
Bundan tashqari, ayollar o‘rtasida -57 kg vazn toifasida hamyurtimiz Parvina Samandarova yarim finalda braziliyalik Lusiya Arauxoga qarshi tatamiga chiqdi.
Hamyurtimiz ippon bahosi bilan raqibini mag‘lubiyatga uchratdi va final yo‘llanmasini qo‘lga kiritdi.
.png "YouTube UZREPORT TV")
