Amazon asoschisi Jeff Bezos 80 mln dollarga xususiy samolyot sotib oldi
Yarim milliard dollarga tushgan Koru yelkanli kemadan so‘ng, Amazon asoschisi Jeff Bezos o‘z to‘plamidagi to‘rtinchi xususiy samolyotni xarid qildi. Bu haqda Bild xabar berdi.
Rolls-Royce dvigatellari tufayli Gulfstream G700 dunyodagi eng tezkor xususiy samolyotlardan biri hisoblanadi. Uning interyeri beshta xona, dush va hojatxonadan iborat hammom, shuningdek, keng oshxonani o‘z ichiga oladi. Samolyotga jami 19 nafar yo‘lovchi joylashishi mumkin. Gulfstream G700 ning maksimal parvoz masofasi 14 ming kilometrdan oshadi.
JetSpy xizmatining ma’lumotlariga ko‘ra, Bezosning oldingi Gulfstream G650 modeliga o‘xshash ikkita samolyoti, shuningdek, nisbatan kamtarona Shveysariyaning Pilatus PC-24 samolyoti mavjud. Mutaxassislar milliarderga tegishli aviatsiya to‘plamining umumiy qiymatini 200 million dollarga baholamoqda.
Gulfstream G700 samolyoti bozordagi yangilik bo‘lib, uni butun dunyo milliarderlari qo‘lga kiritishga urinmoqda. Taxminlarga ko‘ra, 2024-yilning iyul oyidan beri Gulfstream G700 ning egasi yana bir amerikalik milliarder Ilon Mask hisoblanadi.
.png "YouTube UZREPORT TV")
