Norvegiyada 15 yoshgacha bo‘lgan bolalarga ijtimoiy tarmoqlardan foydalanish taqiqlanadi
Norvegiya “bolalarni internetdagi zararli kontentdan va algoritmlarning salbiy taʼsiridan himoya qilish” uchun ijtimoiy tarmoqlardan foydalanish uchun qatʼiyroq minimal yosh – 15 yoshni joriy qilmoqchi. Hozirda mamlakatda ijtimoiy tarmoqlardan foydalanish yoshi 13 yoshni tashkil etadi.
Ushbu yangi nizomni amalga oshirish uchun hukumat 15 yoshgacha bo‘lgan foydalanuvchilar ijtimoiy tarmoqlar orqali shaxsiy maʼlumotlarini qayta ishlashga rozi bo‘lmasliklarini taʼminlash uchun shaxsiy maʼlumotlar to‘g‘risidagi qonunga o‘zgartirish kiritishni rejalashtirmoqda. Bundan tashqari, yosh cheklovlarini chetlab o‘tishning oldini olish uchun yoshni tekshirish tizimi ishlab chiqiladi.
Mamlakat bosh vaziri yirik texnologiya kompaniyalari faoliyatini tartibga solishda duch keladigan qiyinchiliklarni tan oldi. Kjersti Toppe, Bolalar va oilalar vaziri, ota-onalarga ijtimoiy tarmoqlarga “yo‘q” deyish imkoniyatini berish muhimligini taʼkidlab, ko‘pchilik "bolalariga Internetdan foydalanishga ruxsat berish uchun" bosim ostida ekanligini tan oldi.
.jpg "X factor uzbekistan")
.png "YouTube UZREPORT TV")
