Павел Дуров: Telegram'нинг жорий йилдаги даромади $1 млрддан ошди
«Telegram» ўзининг уч йиллик монетизация тарихида биринчи марта даромадли бўлди, дея хабар берди мессенжер эгаси Павел Дуров ўзининг каналида.
Дуровнинг маълум қилишича, жорий йилда “Telegram Premium” обуначилари сони 3 баробарга кўпайиб, 12 млндан, реклама даромади ҳам бир неча баробар ошган.
Натижада, “Telegram"нинг 2024 йилдаги умумий даромади $1 млрддан ошди ва биз йилни крипто-активларни ҳисобга олмаганда $500 млндан ортиқ нақд пул захираси билан якунлаяпмиз”, дея маълум қилди Дуров.
Унинг таъкидлашича, мессенжер сўнгги тўрт йил мобайнида «Telegram» тахминан 2 млрд миқдорида қарз олган ва «Telegram» облигациялари учун қулай нархлардан фойдаланиб, жорий йил кузида унинг сезиларли қисми қайтарилган.
Дуров жорий йилда монетизация соҳасидаги янгиликлар сифатида — «Юлдузлар», «Ҳадялар», «Giveaways», «мини-иловалар», “Ҳамкорлик платформаси”, “Telegram Бизнес” ва “Telegram Gateway” ишга туширилганини қайд этди.
Унинг қўшимча қилишича, ижтимоий медиа платформалари мустақил ва фойдаланувчи ҳуқуқларини ҳурмат қилган ҳолда молиявий барқарорликка эришиши мумкинлигини кўрсатмоқда.
.jpg "X factor uzbekistan")
.png "YouTube UZREPORT TV")
