Serbiya prezidenti norozilik namoyishlariga qaramay isteʼfoga chiqish niyati yo‘qligini maʼlum qildi

Serbiya prezidenti Aleksandr Vuchich mamlakatda davom etayotgan norozilik namoyishlari fonida iste’foga chiqmoqchi emas. Bu haqda u Belgraddagi muxolifatning yirik mitingidan so‘ng o‘tkazilgan matbuot anjumanida ma’lum qildi. 

Serbiya rahbarining aytishicha, armiya Belgraddagi namoyishlarda 88 ming kishi qatnashgan, politsiya esa ishtirokchilar sonini 107 ming kishi deb hisoblagan. Uning ta'kidlashicha, bu raqamlar muxolifatchilarning o'zlari keltirgan raqamlardan ancha past. Vuchichning ta’kidlashicha, mitinglarda qonun va tartib buzilishi holatlari kuzatilgan.

“56 kishi tan jarohati olib, shifoxonalarga yetkazildi. Turli huquqbuzarliklar uchun 22 kishi hibsga olindi”, — deyiladi xabarda.

Nashrning qayd etishicha, namoyishlarda 60 dan ortiq portlovchi moslama ishlatilgan.

8-mart kuni Vuchich Serbiyadagi talabalar noroziliklarining radikallashuvi haqida gapirdi. Serbiya prezidenti buni ko'pincha muxolif siyosiy partiyalar tomonidan uyushtiriladigan norozilik namoyishlarini qo'llab-quvvatlashning "kamayayotgani" bilan izohladi.

Serbiyada ommaviy norozilik namoyishlari bir necha oydan beri davom etmoqda. Mamlakatda norozilik namoyishlari Novi Sad shahridagi temir yo‘l vokzalida sodir bo‘lgan voqea munosabati bilan boshlangan. 1-noyabr kuni tushdan keyin vokzal binosiga kirish eshigi ustidan shisha, metall va betondan yasalgan ayvon qulab tushgan. Oqibatda o‘nlab odamlar jarohatlangan.