Shimoliy Makedoniyada diskotekadagi yong‘in oqibatida 50 dan ortiq kishi halok bo‘ldi
Shimoliy Makedoniya Ichki ishlar vazirligi ma’lumotlariga ko‘ra, diskotekadagi yong‘inga pirotexnika vositalaridan foydalanish natijasida kelib chiqqan uchqunlar sabab bo‘lgan. Kamida 51 kishi halok bo‘lgan.
Shimoliy Makedoniyada 16-mart, yakshanbaga o‘tar kechasi diskotekadagi konsertda sodir bo‘lgan yong‘in oqibatida o‘nlab odamlar halok bo‘ldi. Mamlakat ichki ishlar vaziri Panche Toshkovski jurnalistlar bilan suhbatda kamida 51 kishi halok bo‘lganini, 100 dan ortiq kishi atrofdagi bir qancha shaharlardagi shifoxonalarga yetkazilganini aytdi.
Dastlabki ma’lumotlarga ko‘ra, yong‘inga mashhur “DNA” xip-xop guruhining konsertida pirotexnika vositalari qo‘llangani sabab bo‘lgan: uchqunlar yonuvchi materialdan yasalgan shiftni yondirib yuborgan, shundan so‘ng yong‘in tezda butun diskoteka bo‘ylab tarqalib ketgan, u qalin tutun bilan to‘ldirilgan.
Fojia yuzasidan bir necha kishi hibsga olingan, prokuratura voqea yuzasidan tergov olib bormoqda.
Mahalliy MIA axborot agentligi maʼlumotlariga koʻra, Shimoliy Makedoniya shimoli-sharqida, poytaxt Skopyedan 100 kilometr uzoqlikda joylashgan Kochani shahridagi “Pulse” tungi klubida boʻlib oʻtgan konsertda 1500 ga yaqin odam, asosan yoshlar boʻlgan. Ichki ishlar vazirining soʻzlariga koʻra, voqea kechasi yarim tunda boshlangan va yongʻin taxminan soat 2:35 da boshlangan.
.png "YouTube UZREPORT TV")
