Tramp Isroilga qo‘yilgan taqiqni bekor qildi

AQSh prezidenti Donald Tramp amerikalik harbiylarga o‘zidan oldingi prezident Jo Bayden tomonidan Isroilga 2000 funtlik bomba yetkazib berishga qo‘yilgan taqiqni bekor qilishni buyurdi, deb xabar berdi Oq uydagi manba Reuters agentligiga.

Axios, shuningdek, shanba kuni AQShning yangi prezidenti ma’muriyati Isroilga 2000 funt (taxminan 907 kilogramm) bomba yetkazib berish bo‘yicha cheklovlarni olib tashlashga qaror qilgani haqida xabar berdi.

Reuters bu harakatni kutilgan deb atadi. O‘tgan bahorda Bayden Isroil urush paytida bombalarni tinch aholiga, xususan, G‘azo sektoridagi Rafahga qo‘llashi mumkinligidan xavotir olib, bomba yetkazib berishni to‘xtatgan edi.

Endi Isroil va HAMAS o‘t ochishni to‘xtatishga kelishib oldilar va 25 yanvar kuni isroillik garovga olinganlarni falastinlik mahbuslarga ikkinchi almashish bo‘lib o‘tdi.

"Isroil tomonidan buyurtma qilingan va to‘langan, lekin Bayden yubormagan ko‘p narsalar endi yo‘lda!" “Tramp o‘zining Truth Social platformasida nimani nazarda tutganini ochiqlamagan holda post qoldirdi. 

Axios manbalarining aytishicha, 2000 funtlik bombalar tez orada kemalarda Isroilga jo‘natiladi.

Tramp ham, Bayden Isroil tarafdori sanaladi.