“Ukraina hududiy yo‘qotishlarni tan olishga rozi” — Tramp maslahatchisi Kit Kellog

Ukraina 23-aprel kungi muzokaralarda AQSH taklif qilgan o‘t ochishni to‘xtatish shartlariga rozi bo‘ldi. Bu haqda prezident Donald Trampning Ukraina masalalari bo‘yicha maxsus vakili Kit Kellog ma’lum qildi. U Fox News telekanaliga intervyu berdi.

Biz Ukraina jamoasi va yevropaliklar bilan yig‘ilish o‘tkazdik. Bizda 22 ta aniq shart bor edi, ular bunga rozi bo‘ldi, dedi Kellog.

Trampning maxsus vakiliga ko‘ra, gap tomonlarning egallab turgan hududlar ustidan haqiqiy nazoratini saqlab qolgan holda o‘t ochishni to‘xtatishi haqida ketmoqda.

Bundan tashqari, u hozirgi to‘qnashuv urushni muzlatish va 30 kunlik sulhni boshlashni nazarda tutishini aytdi. Ukraina Rossiyaning bosib olgan hududlarining bir qismi ustidan nazoratini amalda tan olishga tayyor, biroq yuridik tan olishdan bosh tortmoqda. AQSH esa Ukraina ustidan nazoratni qisman qaytarish evaziga de-yure Qrim va de-fakto boshqa hududlarni tan olishga ruxsat beradi.

Ular o‘t ochishni to‘xtatish rejimi kuchga kirgach, har bir tomon o‘zi egallagan pozitsiyalarda qolishini tushunadi. Ular aynan shunga tayyor. O‘tgan hafta ular menga bu kelishuvni allaqachon muhokama qilishganini aytdi. Joriy liniyalarda o‘t ochishni to‘xtatish — ular bunga tayyor, dedi Trampning maxsus vakili.

AQSHning tinchlik rejasi rasman e’lon qilinmagan, biroq manbalar ularning ayrimlarini oshkor etgan. U Rossiyaning Qrim ustidan yurisdiksiyasini de-yure, shuningdek, Lugansk, Donetsk, Xerson va Zaporojye viloyatlarining ayrim hududlarini de-fakto tan olishni nazarda tutadi.

Shu bilan birga, reja Ukraina tomoniga Xarkov viloyatining bir qismini qaytarish, Zaporojye AES va Kaxovka GES ustidan nazoratni berish, Dnepr daryosida erkin harakatlanish huquqini ta’minlash hamda Nikolayev viloyatidagi Kinburn qo‘ltig‘i ustidan nazoratni qaytarishni ham o‘z ichiga oladi.