2024-yilda O'zbekistonga qancha yengil avtomobil import qilingani ma'lum bo'ldi
2024-yilning yanvar-dekabr oylarida O‘zbekistonga xorijdan qiymati 1,28 mlrd AQSH dollariga teng bo‘lgan 74,7 ming dona (elektromobillarni qo‘shgan holda) yengil avtomobil import qilingan. Bu haqda Statistika agentligi xabar berdi.
O‘zbekistonga 2024-yilda eng ko‘p yengil avtomobil import qilgan davlatlar:
Xitoy – 61 ming dona;
Koreya – 11,9 ming dona;
AQSH – 639 dona;
Hindiston – 577 dona;
Yaponiya – 168 dona;
Boshqa davlatlar – 374 dona.
Eslatib o'tamiz, bundan oldin 2024-yilda O'zbekistonda qancha avtomobil ishlab chiqarilgani haqida xabar bergan edik. Unga ko'ra, avtomobil ishlab chiqarish sanoatida 2024-yilning yanvar-dekabr oylarida yirik korxonalar tomonidan 424 808 dona har xil turdagi yengil avtomobillar ishlab chiqarilgan. Shuningdek, 2024-yilda elektr va gibrid avtomobillar importi birinchi marta benzinli avtomobillardan oshib ketdi.
.png "YouTube UZREPORT TV")
