14-dekabr kuni O‘zbekistonda sodir bo‘lgan muhim voqealar dayjesti

Moskvada Yevroosiyo Iqtisodiy Ittifoqi Hukumat rahbarlari Kengashining navbatdagi majlisi bo‘lib o‘tdi

Amaliy tashrif bilan Moskva shahrida bo‘lib turgan O‘zbekiston Bosh vaziri Abdulla Aripov mazkur yig‘ilishda kuzatuvchi davlat maqomida ishtirok etdi.

Adliya vazirligi: Media mahsulotlarni "maʼnaviy ekspertiza"dan o‘tkazish to‘g‘risidagi qaror bekor qilindi

Adliya vazirligi Maʼnaviyat va maʼrifat markazi eʼlon qilgan media mahsulotlarni "maʼnaviy ekspertiza"dan o‘tkazish to‘g‘risidagi qaror davlat ro‘yxatidan o‘tkazilmagani va yuridik kuchga ega emasligini maʼlum qildi.

Xorazmda kiyim-kechak do‘konlarida yirik yong‘in sodir bo‘ldi

Hozirda yong‘in sababi va keltirilgan moddiy zarar miqdori aniqlanmoqda.

O‘zbekistonning Rossiyadagi elchixonasida Ichki ishlar vazirligi vakili qo‘shimcha lavozimi joriy etiladi

Qarorga ko'ra, O'zbekistonning Rossiya Federatsiyasidagi elchixonasining shtat jadvaliga, birinchi kotib – O'zbekiston Respublikasi Ichki ishlar vazirligi vakili qo'shimcha lavozimi kiritildi.

Rasman: Poytaxtdagi barcha avtobuslar salonida yo‘lkira haqini naqd pulda olish amaliyotidan voz kechiladi

Toshkent shahar hokimining qarori bilan 2025-yil 1-yanvardan poytaxt jamoat transporti yo‘nalishlarida (avtobus va metropoliten) bir yo‘lovchi qatnovi uchun cheklangan tarif – 3 000 so‘m etib belgilandi. Bunda to‘lov elektron to‘lov tizimi orqali amalga oshirilganda hozirgidek o‘zgarishsiz qoladi - 1 700 so‘m.

Migratsiya agentligi Qozog‘istonda bo‘lib turgan va tranzit yo‘nalishida harakatlanayotgan O‘zbekiston fuqarolarini ogohlantirdi

So‘nggi kunlarda Qozog‘istonning hududlarida ob-havoning keskin sovushi natijasida yo‘llarda harakatlanish bilan bog‘liq noqulayliklar yuzaga kelmoqda.

O'zbekistonning yangi tayinlangan elchisi Turkmaniston prezidentiga ishonch yorliqlarini topshirdi

O'zbekistonning yangi tayinlangan Favqulodda va Muxtor elchisi Ravshanbek Alimov Turkmaniston prezidenti Serdar Berdimuhamedovga ishonch yorliqlarini topshirdi.

Ayrim qishloq xo'jaligi texnikalari bojxona boji va utilizatsiya yig'imidan ozod qilinadi

Qarorga ko'ra, 2025-yil 1-yanvardan, qishloq xo'jaligi texnikalari yetkazib berishda amaldagi qonunchilikka muvofiq qo'llaniladigan imtiyozlar (subsidiya, soliq va bojxona imtiyozlari va moliyaviy yordamlar) faqat mahalliy ishlab chiqaruvchilar va dilerlar orqali muomalaga chiqariladigan qishloq xo'jaligi texnikalariga nisbatan tatbiq etiladi.

O‘zbekistonlik yoshlarning IELTS olish bo‘yicha maʼlumotlari ochiqlandi

Yoshlar ishlari agentligi direktori Alisher Saʼdullayevning maʼlum qilishicha, IELTS imtihonidan 5,5 va undan yuqori ball olgan yoshlar soni 2020-yilda 10 152 nafarni tashkil etgan bo‘lsa, joriy yilda ularning soni 52 706 nafarga yetgan. Yaʼni 5 barobarga o‘sish kuzatilgan.

Markaziy bank 8 ta bank va 7 ta to‘lov tashkilotini jarimaga tortdi

Markaziy bank tomonidan o‘rnatilgan iqtisodiy meʼyorlar talablari hamda ko‘rsatmalariga rioya qilinmaganligi, shuningdek, o‘rganish va inspeksiya tekshiruvlari davomida aniqlangan qoidabuzarliklar uchun 8 ta bank, 7 ta to‘lov tashkiloti va 12 ta mikromoliya tashkilotiga nisbatan jarima sanksiyasi qo‘llanildi.

Abbosbek Fayzullayev — “Yilning eng yaxshi futbolchisi”: O‘zbek futbolining 2024-yildagi eng yaxshilari taqdirlandi

Oʻzbekiston U23 terma jamoasi bosh murabbiyi Timur Kapadze — “Yilning eng yaxshi murabbiyi”, Diyora Habibullayeva esa “Yilning eng yaxshi ayol futbolchisi” bo'ldi.

25-dekabrga qadar O'zbekistonning Energetika xavfsizligi konsepsiyasi ishlab chiqiladi

Bugun bosh prokuror Nig‘matilla Yo‘ldoshev, energetika masalalari bo‘yicha prezident maslahatchisi Alisher Sultonov va huquqni muhofaza qiluvchi organlar faoliyatini muvofiqlashtirish bo‘yicha prezident maslahatchisining o‘rinbosari Doniyor Qodirov rahbarligida yig‘ilish bo‘lib o‘tdi.

Abduqodir Husanov va Krishtianu Ronalduning transfer bahosi tenglashdi

Transfermarkt Messi va Ronalduning narxini pasaytirdi.