28-aprel kuni O‘zbekistonda sodir bo‘lgan eng muhim voqealar dayjesti

NKMKning 5 foizgacha, OKMKning 7 foizgacha aksiyasi sotuvga qo‘yiladi

O‘zbekistondagi eng yirik kompaniyalar, mamlakatning eng katta soliq to‘lovchilari – Navoiy va Olmaliq kon-metallurgiya kombinatlari IPO'ga chiqadi.

Issiqlik elektr stansiyalaridagi davlat ulushi sotiladi

O‘zbekistondagi elektr energiyasining 80 foizdan ko‘pini ishlab chiqaradigan «Issiqlik elektr stansiyalari» AJ ustav kapitalidagi 51 foiz ulush va kompaniya tarkibidagi alohida issiqlik elektr stansiyalari xususiylashtiriladi.

Mart oyida O‘zbekistonda biznes muhiti yaxshilandi

Mart oyida biznes muhiti indeksi fevral oyiga nisbatan 4 punktga oshib, 60 punktni tashkil etdi, bu esa tadbirkorlarning faolligi yana-da kengayganidan dalolat beradi.

DXXga yolg‘on xabar bergan shaxs 3 yilga qamaldi

Jinoyat ishlari bo‘yicha Marg‘ilon shahar sudida yolg‘on xabar berish bilan bog‘liq jinoyat ishi ko‘rib chiqildi.

O‘zbekistonning tog‘li hududlarida qor yog‘di

27-aprel kuni tunda Qashqadaryo viloyati Qamashi tumani, Jizzax viloyati Zomin tumanidagi yuqori dam olish maskanlarida va Qamchiq dovonidan o‘tgan avtomobil yo‘lining yuqori qismlarida qor yog‘di.

Yanvar-mart oylarida O‘zbekiston eksportida Rossiya, importida esa Xitoy yuqori ulushga ega bo'ldi

Statistika agentligi 2024-yilning yanvar-mart oylarida O‘zbekiston eksporti va importida yuqori ulushga ega bo‘lgan davlatlar ro'yxatini e'lon qildi.

Toshkentda o‘zi bilan yashashni xohlamagan o‘g‘lini kaltaklagan ota 5 sutkaga qamaldi

O‘rganish davomida aniqlanishicha, bu oilada er va xotin o‘rtasida o‘zaro kelishmovchilik holatlari muntazam ravishda kuzatilganligi sababli joriy yilning 2-fevral kuni O‘rtachirchiq tumani IIB tomonidan erkakni tazyiq harakatlarini cheklash maqsadida uning turmush o‘rtog‘iga himoya orderi berilgan.

Yanvar-mart oylarida qishloq, o‘rmon va baliqchilik xo‘jaligidan qancha daromad olingani aniqlandi

Statistika agentligining dastlabki maʼlumotlariga ko‘ra, 2024-yilning yanvar-mart oylarida qishloq, o‘rmon va baliqchilik xo‘jaligi mahsulotlarining umumiy hajmi 45,4 trln so‘mni tashkil etgan.

Toshkentda ko‘p qavatli uylarni sotish huquqiga ega bo‘lmagan shaxslar uy uchun to‘lovlarni olib, firibgarlik sodir etgani ma'lum bo'ldi

Ularning bittasi ushlangan, qolgan ikkitasi esa qidiruvga berilgan.

Qurilish obyektlarida gaz va elektr tarmoqlarini kuchli zilzila paytida avtomatik bloklash tizimi yo‘lga qo‘yiladi

1-iyundan boshlab yangi qurilishi rejalashtirilayotgan xavflilik omili III–IV toifa bo‘lgan obyektlarda gaz va elektr tarmoqlarini kuchli zilzila paytida avtomatik bloklash tizimi bilan loyihalash tartibi joriy etiladi. Agar quruvchi tomonidan qo‘yilgan talab loyhida aks ettirilmasa shaharsozlik hujjatlari ekspertizasidan o‘tkazilmaydi.

1-aprel holatiga O‘zbekistonda nikohdan ajralishlar soni ochiqlandi

Unga ko'ra, 2024-yilning 1-aprel holatiga respublikada nikohlar soni 48 582 tani, nikohdan ajralishlar soni esa 11 481 tani tashkil etdi.

Oʻzbekiston futzal milliy terma jamoasi ketma-ket 3-bor Osiyo kubogi bronza medallarini qoʻlga kiritdi

O‘zbekiston futzal terma jamoasi  Osiyo kubogida 3-o‘rin uchun Tojikistonga qarshi o‘yin o‘tkazdi.

Sirdaryoda yong‘in sodir bo‘lgan uydan qotillik alomatlari bilan ayol va ikki bolaning jasadi topildi

Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.

Taxmina Ikromova jahon kubogi sovrindori bo'ldi

Poytaxtda badiiy gimnastika bo‘yicha o‘tayotgan jahon kubogida hamyurtimiz Taxmina Ikromova muvaffaqiyatli ishtirok etmoqda.

O‘zbekistonda qancha talaba rasman ishlayotgani maʼlum qilindi

Kambag‘allikni qisqartirish va bandlik vazirligi bergan maʼlumotga ko‘ra, mamlakatda jami ishlayotgan talabalar soni 113 724 nafarni tashkil etmoqda.

Karam eksporti 4 barobarga oshgan: Yanvar-mart oylaridagi meva-sabzavotlar eksporti statistikasi e'lon qilindi

Statistika agentligi O‘zbekistonning 2024-yil yanvar-mart oylarida meva-sabzavot mahsulotlari eksporti hajmini e'lon qildi.