3-dekabr kuni O‘zbekistonda sodir bo‘lgan muhim voqealar dayjesti

O‘zbekistonlik ayol dunyoning "100 nafar ayoli" ro‘yxatiga kirdi

BBC 2024-yil uchun dunyoning 100 nafar ilhomlantiruvchi va taʼsirli ayollar ro‘yxatini eʼlon qildi. Ular orasida tinchlik bo‘yicha Nobel mukofoti sovrindori Nadya Murad, aktrisa Sheron Stoun va o‘zbekistonlik tadbirkor Dilorom Yo‘ldosheva bor.

“Toshkent — Xojikent — Toshkent” yo‘nalishida yangi tezyurar elektropoyezd qo‘yiladi

Chipta narxi umumiy 20 000 so‘m, bolalar uchun 11 500 so‘m etib belgilandi.

Navoiyda pora olgan IIB xodimi ozodlikdan mahrum qilindi

Unga 2 yil IIV tizimida ishlash huquqidan mahrum etgan holda 3 yil muddatga ozodlikdan mahrum qilish jazosi tayinlangan.

O'zbekiston mahsulotlarini Qozog'iston portlari orqali tashish masalalari muhokama qilindi

Qozog'iston tomoni o'zbekistonlik eksportchilar murojaatlarini qabul qilish va ular bilan yaqindan ishlashga tayyorligini bildirdi.

Issiqlik energiyasi yetkazib beruvchi qozonxonalar uchun gaz narxlari pasaytirildi

Raqobat qo‘mitasi takliflari asosida ko‘p kvartirali uylarni boshqarish organlaridagi lokal qozonxonalarga issiqlik energiyasi yetkazib berish uchun tabiiy gaz tariflari kamaytirilishiga erishildi.

“2025-yil uchun O‘zbekiston Respublikasining Davlat budjeti to‘g‘risida”gi qonun loyihasi deputatlar tomonidan qabul qilindi va Senatga yuborildi

Fraksiya a’zolarining taklifiga ko‘ra, Qoraqalpog‘iston Respublikasida o‘rmonchilik sohasi ilmiy-tajriba stansiyasini tashqil etish xarajatlar uchun qo‘shimcha 9,5 mlrd so‘m mablag‘lar ajratiladigan bo‘ldi.

10 oyda O'zbekiston va Rossiya o'rtasidagi tovar ayirboshlash hajmi 20 foizga o'sib, 9,7 milliard dollarni tashkil etdi

Investitsiyalar, sanoat va savdo vaziri Laziz Kudratov O‘zbekiston va Rossiya oʻrtasidagi tovar ayirboshlash hajmini oshirish boʻyicha ishchi guruhining 3-yigʻilishida onlayn tarzda ishtirok etdi.

2025-yilda Ekologiya va atrof-muhitni muhofaza qilish tadbirlari uchun 3,4 trln so‘mlik mablag‘ ajratilmoqda

Budjet loyihasida energiya samaradorligini oshirish, barqaror iste’molni va ishlab chiqarishni targ‘ib qilish, atrof-muhit ifloslanishiga qarshi kurashish kabi muhim masalalarni hal etish uchun zarur bo‘lgan mablag‘lar ajratilishi bo‘yicha aniq maqsadlar nazarda tutilmoqda.

Xalqaro shartnomalar bo‘yicha masʼul davlat organlari ro‘yxatiga o‘zgartirishlar kiritilmoqda

Prezident tomonidan "O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish to‘g‘risida"gi farmon imzolandi.

"Tottenhem" va "Nyukasl" Abduqodir Xusanov transferi uchun kurashmoqda

Premyer Liga jamoalari 20 yoshli himoyachini yanvar oyida 25 million funtga sotib olishni rejalashtirmoqda.

Dilshod Shakarov Savdo-sanoat palatasi Navoiy viloyati hududiy boshqarmasi boshlig‘i lavozimiga tayinlandi

Tayinlovga qadar u Uchquduq tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — iqtisodiy taraqqiyot va kambag‘allikni qisqartirish bo‘limi boshlig‘i lavozimida faoliyat yuritgan.

2027-yil qilichbozlik boʻyicha jahon chempionati O'zbekistonda o'tkaziladi

Toshkent 2027-yil kattalar oʻrtasidagi jahon chempionatini qabul qiladigan boʻldi. Rejaga koʻra, musobaqa 20-28-iyul kunlari boʻlib oʻtadi.

Buxorodagi tarixiy obidalar atrofida mototsikl, skuter va boshqa avtotransportlarda yurish taqiqlandi

Cheklovlar ushbu transport turi sayyohlar va mahalliy aholi xavfsizligiga tahdid solayotgani bilan bog‘liq.

Mahallalarda ijtimoiy profilaktika tadbirlari o‘tkaziladi

Hujjat bilan "Obod va xavfsiz mahalla" tamoyili asosida mahallalarda ijtimoiy profilaktika tadbirlarini amalga oshirish tartibi to‘g‘risidagi nizom tasdiqlandi.