4-mart kuni O‘zbekistonda sodir bo‘lgan muhim voqealar dayjesti

O‘zbekistonda yil boshidan beri 6 mlrd dollardan ziyod xorijiy investitsiya va kreditlar o‘zlashtirildi

Prezident Shavkat Mirziyoyev kambag‘allikni qisqartirish va aholi bandligini ta’minlash, investitsiya va eksport ko‘rsatkichlari bo‘yicha hisobot bilan tanishdi.

O‘zbekistonda san’atkorlarga "u yoki bu dinni targ‘ib qilmaslik" bo‘yicha tushuntirish olib borildi

Madaniyat vazirligida huquqni muhofaza qiluvchi idoralar va diniy qo‘mita vakillari ishtirokida bo‘lib o‘tgan yig‘ilishda xonandalarga "San’atkor odobi", diniy siyosat konsepsiyasi kabi hujjatlar tushuntirilgan.

FVVning yangi vaziriga yangi o‘rinbosarlar tayinlandi

Xurshid Sotiyev FV profilaktikasi bo‘yicha, Nuriddin Qodirov — kadrlar masalalari va maʼnaviy-maʼrifiy ishlar bo‘yicha masʼul bo‘ladi.

Prezident Xalqaro xotin-qizlar kuni munosabati bilan bir guruh ayollarni mukofotladi

Mamlakatda xotin-qizlarning davlat va jamiyat hayotidagi o‘rni va nufuzini oshirishga katta hissa qo‘shayotgan bir guruh ayollar mukofotlandi.

Toshkentdan Samarqandga qo‘shimcha “Afrosiyob” poyezdi yo‘lga qo‘yiladi

Qatnovlar 20, 21, 22, 23, 24, 29, 30, 31-mart hamda 1-aprel kunlari amalga oshiriladi.

20-martdan O‘zbekistonda “Temu” faoliyati cheklanadi

Istiqbolli loyihalar milliy agentligi tushunmovchiliklarni oldini olish maqsadida, fuqarolardan ushbu marketpleysdan buyurtma bermasliklarini so‘ramoqda.

Toshkentda 9 yoshli o‘quvchi qizga shahvoniy shilqimlik qilgan o‘qituvchi qamaldi

O‘qituvchi erkak o‘zining o‘quvchisiga nisbatan dars vaqtida shilqimlik qilgan.

Toshkent shahrida 10 ta avtobus yoʻnalishi oʻzgartiriladi

2025-yil 5-martdan boshlab, yo‘lovchi oqimi va fuqarolar murojaatlarini inobatga olgan holda ayrim avtobus yo‘nalishlariga o‘zgartirishlar kiritiladi.

Qurilish maydonlarida atmosfera havosini muhofaza qilish talablariga rioya etmaganlik uchun javobgarlik belgilandi

Qonunga ko‘ra, Maʼmuriy javobgarlik to‘g‘risidagi kodeksga qurilish maydonlarida atmosfera havosini muhofaza qilish talablariga rioya etmaganlik uchun javobgarlikni belgilovchi qo‘shimchalar va o‘zgartirish kiritildi.

O‘zbekistonliklar Navro‘z munosabati bilan necha kun dam oladi?

Haftasiga 5 kun ishlovchi o‘zbekistonliklar Navro‘z bayrami munosabati bilan ketma-ket 3 kun — 21, 22 va 23-mart kunlarida dam oladi. 6 kun ishlaydiganlar esa 22-martda ishlaydi.