4-sentyabr kuni O‘zbekistonda sodir bo‘lgan eng muhim voqealar dayjesti

Umumiy ovqatlanish korxonalariga foyda solig‘i stavkasi 50 foizga kamaytiriladi

2025-yil 1-yanvardan 2028-yil 1-yanvargacha umumiy ovqatlanish korxonalariga foyda solig‘i stavkasi 50 foizga kamaytiriladi.

Toshkentda yo‘l o‘rtasidagi ustunga borib urilgan Cobalt yonib ketdi

Mazkur hodisa yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablari va zarar miqdoriga aniqlik kiritilmoqda.

“Kibermakonda xavf-xatar va tahdidlar kuchayib bormoqda” — Shavkat Mirziyoyev Terrorizm va ekstremizmga qarshi kurashish bo‘yicha xalqaro konferensiya ishtirokchilariga murojaat yo‘lladi

Davlat rahbari o‘z murojaati avvalida Shanxay hamkorlik tashkiloti Mintaqaviy aksilterror tuzilmasi hamda Mustaqil Davlatlar Hamdo‘stligi Aksilterror markazining terrorizm va ekstremizmga qarshi kurashishda hamkorlikni mustahkamlashga bag‘ishlangan qo‘shma konferensiyasining barcha ishtirokchi va mehmonlarini qutladi.

Poytaxtdagi avtobuslarning mingdan ziyodi bevosita ta’lim muassasalari yo‘nalishlarida xizmat ko‘rsatadi

Qatnovlar orasidagi intervallar o‘rtacha 8-12 daqiqa bo‘lib, bu bekatlarda uzoq kutishlarning oldini oladi.

BMTning Oziq-ovqat va qishloq xo'jaligi tashkiloti rahbari O'zbekistonga keladi

5-6-sentabr kunlari BMTning Oziq-ovqat va qishloq xo'jaligi tashkiloti bosh direktori Syuy Dun’yuy O'zbekistonga amaliy tashrif bilan keladi.

SHHT va MDH makonida terrorizmga qarshi kurash muammosiga yagona yondashuvni ishlab chiqish kerak — Ruslan Mirzayev

Toshkentda SHHTning Mintaqaviy aksilterror tuzilmasi (MATT) O‘ninchi  xalqaro ilmiy-amaliy konferensiyasi va MDHning  terrorizm va ekstremizga qarshi kurashish bo‘yicha ikkinchi konferensiyasi bo‘lib o‘tdi.

O'zbekistonda mahalliy hamjamiyatlarni mustahkamlash va ijtimoiy farovonlikka ko'maklashish markazi ochildi

Markaz ijtimoiy masalalarni hal etish hamda O'zbekistonda ijtimoiy himoya va ijtimoiy xizmatlar tizimlarini rivojlantirish bo'yicha innovatsion sa’y-harakatlar markazi bo'lib xizmat qiladi.

"AIF" platformasi bo‘yicha jinoyat ishi qo‘zg‘atildi

Ushbu platforma ayni paytda "o‘z faoliyatini nomaʼlum sababga ko‘ra to‘xtatganligi" va foydalanuvchilarga "juda ko‘p miqdorda moddiy zarar yetkazganligi" aniqlangan.

TOP-100 “Mahalla yettiligi”reytingi eʼlon qilindi

Oʻzbekiston mahallalari uyushmasi joriy yilning 8 oyi davomida mahallalarda tizimli ishlarni muvaffaqiyatli amalga oshirishda alohida natijalarga erishgan TOP-100 “mahalla yettiligi” reytingini eʻlon qildi.

Server Ibragimov - kumush medal sohibi

Parij-2024 yozgi Paralimpiya oʻyinlarida delegatsiyamiz gʻaznasi yana bir medal bilan boyidi. Mahoratli para oʻq otuvchimiz Server Ibragimov kumush medalni qoʻlga kiritdi.

Qashqadaryoda soliq xodimi maktab o‘quvchilariga soliqlarni to‘lash haqida eslatma berdi

Bolalar ombudsmani bola manfaatlari buzilishiga oid bu holatni o‘rganmoqda. Davlat soliq xizmati organlarining xabar berishicha, kamchiliklarga yo‘l qo‘ygan xodimlarga nisbatan xizmat tekshiruvi tayinlangan.

DXSH tamoyillari asosida har yili kamida 100 ta maktab va 100 ta bog'cha qurish rejalashtirilmoqda

“O'zbekiston Respublikasida 2024–2030-yillarda davlat-xususiy sheriklikni rivojlantirish chora-tadbirlari to'g'risida”gi prezident qarori qabul qilindi.

7 oyda 3,4 mln nafar o‘zbekistonliklar turistik maqsadlarda chet elga safar qildi

Bu ko‘rsatkich o‘tgan yilning mos davri bilan solishtirilganda 890,5 ming nafarga oshgan.